உடைகிறதா உதயசூரியன்?

என்ன செய்தாவது இக் கூட்டணியை உடைக்கவேண்டும் என்று முயல்வோரின் எண்ணம் ஒருபோதும் நிறைவேறாது. அது பகற்கனவே தவிர அதற்கு என்னைப் பகடைக்காய் ஆக்கலாம் என்று யாராவது கனவுகண்டால் அது கனவில் மட்டும்தான் சாத்தியம் என்றும் தெரிவித்தார்.

இதனிடையே தமது தமிழ் தேசிய விடுதலைக் கூட்டமைப்புக்குள் குழப்பம் ஏற்பட்டுள்ளதாக வெளியாகிய செய்தியில் எதுவித உண்மையில்லை என்றும் இது தொடர்பில் செய்திவெளியிட்ட பத்திரிகையின் ஆசிரியரிடம் தான் விசனம் வெளியிட்டதாகவும் சுரேஸ் பிரேமச்சந்திரனும் தெரிவித்துள்ளார்.

இதேவேளை தமிழ்த் தேசிய விடுதலைக் கூட்டமைப்பின் அங்கத்துவக் கட்சித் தலைவர்களில் ஒருவரான ஜனநாயகத் தமிழரசுக்கட்சியின் செயலாளர் சிவகரனுடன் தொடர்பு கொண்டு கேட்டபோது எங்களுக்குள் எந்தவித கருத்து வேறுபாடும் இல்லை ஒற்றுமையாகவே இருக்கின்றோம். வருகின்ற 3ந்திகதி யாழ்ப்பாணத்தில் நாம் அனைவரும் இணைந்து தேர்தல் விஞ்ஞாபனத்தை வெளியிடவிருக்கிறோம்” என்றார்.

இதேவேளை இச் செய்திகளின் பின்னணியில் சுமந்திரன் அணியின் பின்புலம் இருப்பதாக தமிழ்த் தேசிய விடுதலைக் கூட்டமைப்பு வட்டாரங்கள் தெரிவித்துள்ளனர்.

இதுபோன்ற ஒரு சதி முயற்சி மூலமே மாகாண சபையின் அமைச்சர் அனந்தி சசிதரனின் வெற்றி 2013ல் தடுக்கப்பட்டதுடன் அதற்கான பழியை டக்ளஸ் தேவானந்தா மீது தமிழரசு கட்சியினர் போட்ட சம்பவம் நினைவில் இருக்கலாம் என நம்புகிறோம்.

எது எவ்வாறு இருப்பினும் எதிர்வரும் உள்ளூராட்சி சபைத் தேர்தலில் வடகிழக்கு மாகாணங்களில் இலங்கை தமிழரசு கட்சிக்கு உதயசூரியனின் புதிய கூட்டணியானது பெரும் சவாலாக அமையும் என்பதில் மாற்றுக் கருத்து இல்லை.