பற்குணம் (பகுதி 109 )

இந்த தேர்தலில் எமக்கு நெருங்கிய ஒருவர்(அரச பதவியில் உள்ளவர்) கூட்டணி,ஈ பி ஆர் எல் எப் ,ஐ.தே.க மற்றும் தொழிலாளர் காங்கிரஸ் கட்சிகளுக்கு ஒரே நேரத்தில் ஆதரவாளரான நடித்தார்.ஆனால் இவர் கூட்டணி ஆதரவாளர்தான்.கூட்டணிக்கு தெரிந்தே வேசங்களைப் போடுவார்.
இந்த பொதுத் தேர்தலின் பின்பாக இந்திய இராணுவத்தை வெளியேறுமாறு பொது இடத்தில் பகிரங்கமாக அன்றைய ஜனாதிபதி பிரேமதாசா அறிவித்தார்.புலிகளுடனும் நட்புறவை ஏற்படுத்தினார்கள் .

இந்த சூழலில் பற்குணம் ஒருநாள் கொழும்பு வந்தார்.கொழும்பு வந்தால் அவர் என்னை ஏற்றி இறக்குவது வழமையான ஒன்று.இதவே நாங்கள் பேசிக்கொள்ள கிடைக்கும் நேரம்.எனக்கென நேரம் ஒதுக்குவது இல்லை.இந்த தடவை வரும்போதும் என்னை ஏற்றி இறக்கும்போது நாளுக்கு இரவு வரமுடியாது.அரச பதவி வகிக்கும் கொழும்பு நண்பர் எனது வாகனத்தை இரவல் கேட்டுள்ளார் என்றார்.

நான் ஏன் என்றேன்.அவர் அமிர்தலிங்கம்,சிவசிதம்பரம் ஆகியோரை விருந்துக்கு அழைத்துள்ளார்..அவர்களை ஏற்றி இறக்க எனது ஜீப்பை இரவல் கேட்டுள்ளார் என்றார்.அவரின் நிறுவனத்தில் நிறைய வாகனங்கள் உண்டு.அவருக்கே சொந்த பாவனையில் வாகனம் உண்டு என சொன்னேன்.அவர் கேட்டுவிட்டார்.நான் ஓம் என்று விட்டேன் என்றார்.

நான் கேட்டது பற்குணத்துக்கு சந்தேகத்தை கிளப்பி இருந்தாலும் அவர் அதை காட்டிக்கொள்ளவில்லை .அவர் யாரையும் சந்தேகத்தின் அடிப்படையில்,அணுகுவதும் இல்லை.அவர் என்னை வீட்டில் இறக்கிவிட்டுப் போய்விட்டார்.

(தொடரும்….)
(விஜய பாஸ்கரன்)