உதாரணத்திற்கு முடி உதிர்தல், நரைமுடி ஆகியவற்றில் தொடங்கி, உடல் பருமன், ஸ்ட்ரெஸ் போன்ற சிக்கல்களை நாம் எதிர்கொள்ள வேண்டியிருக்கும். ஆனால், 35 வயதிலேயே வேலை பறிபோகிவிடுமோ என்ற கவலை பெரும்பாலும் வந்துவிடாது.
ஏனென்றால் அனுபவமும், துடிப்பும் ஒருசேர இருக்கின்ற இந்த வயது ஊழியர்களை நிறுவனங்கள் கனக்கச்சிதமாகப் பயன்படுத்திக் கொள்ளும். ஆனால், சீனாவில் 35 வயதை எட்டுகின்ற ஊழியர்களுக்கு வேலை பறிபோய்விடுமோ என்ற மனக்கவலை ஆக்கிரமிக்க தொடங்கியுள்ளது.
சீனாவில் உள்ள பெரும்பாலான நிறுவனங்கள் 35 வயதுக்கு மேற்பட்ட பணியாளர்களை வேலையில் வைத்திருக்க விரும்புவதில்லையாம். வேலை உத்தரவாதம் இல்லாத நிலையில் திருமணம், குழந்தை, எதிர்கால திட்டமிடல் போன்றவற்றை சீனர்கள் தள்ளிவைத்து வருகின்றனர்.