The Formula
தமிழ் ஈழ விடுதலை இயக்கத் தலைவரும் தமிழ் தேசிய கூட்டமைப்பின் பாராளுமன்ற உறுப்பினருமான செல்வம் அடைக்கலநாதன் வேண்டுகோளுக்கிணங்க நெல்லியடி பிரதேசத்திலுள்ள வறிய மாணவர்களுக்கான தனியார் வகுப்புகளுக்கான செலவை தமிழ் ஈழ விடுதலை இயக்கத்தின் கொள்கைப்பரப்பு செயலாளரும் சிவன் அறக் கட்டளை நிறுவனத்தின் தலைவருமான கணேஸ் வேலாயுதம் ஏற்றுக்கொண்டார்.
(“வறிய மாணவர்களின் கல்வி வளர்ச்சிக்கு உதவி” தொடர்ந்து வாசிக்க…)
குச்சவெளி டி.ஆர்.ஓ.அலுவலகத்துக்கு புதிதாக மயில்வாகனம் என்ற தலைமை லிகிதர் நியமிக்கப்பட்டார்.இவர் மூதூர் பகுதியைச் சேர்ந்தவர்.மிக நேர்மையும் திறமையும் மிக்கவர்.இதுவே அவருக்கு பல இடங்களில் மேலதிகாரிகளிடம் பிரச்சினைகளைக் கொடுத்தது.அவர் பொறுப்பேற்க வர முன் குடும்பம் சகிதமாக பற்குணத்தை சந்திக்க வந்தார்.தன்னைப்பற்றிய எல்லா விபரங்களையும் சுய விமர்சனமாக சொன்னார்.
மாத்தறையில் காணியொன்றைக் கொள்வனவு செய்த சம்பவம் தொடர்பில் சந்தேகத்தின் பேரில் கைதுசெய்யப்பட்ட பொருளாதார அபிவிருத்தி அமைச்சின் முன்னாள் அமைச்சர் பசில் ராஜபக்ஷ, மாத்தறை நீதிமன்ற நீதவான் யுரேஷா டி சில்வாவினால், கடும் நிபந்தனைகளுடன் கூடிய பிணையில் விடுவிக்கப்பட்டார்.
இந்தக் குற்றச்சாட்டுத் தொடர்பில், கொழும்பிலுள்ள நிதிக்குற்றப் புலனாய்வுப் பிரிவுக்கு வாக்குமூலமளிப்பதற்காக, அவர் நேற்று வியாழக்கிழமை அழைக்கப்பட்டிருந்தார். அப்பிரிவுக்கு அவர், நேற்றுக்காலை 10:40க்கு சமுகமளித்திருந்தார். விசாரணைகளின் பின்னர், முற்பகல் 11:20க்கு கைதுசெய்யப்பட்டார். கைதுசெய்யப்பட்ட அவர், தென் அதிவேக நெடுஞ்சாலையின் ஊடாக, மாத்தறை நீதவான் நீதிமன்றத்தில் மாலை 3 மணிக்கு ஆஜர்படுத்தப்பட்டார்.
கடவுச்சீட்டை நீதிமன்றத்தில் ஒப்படைக்குமாறு கட்டளையிட்ட நீதவான், 50 ஆயிரம் ரூபாய் ரொக்கப்பணம் மற்றும் 10 இலட்சம் ரூபாய் பெறுமதியான மூன்று சரீரப் பிணைகளில், நேற்று மாலை 3:25க்கு அவர் விடுதலை செய்யப்பட்டார்.
இதேவேளை, ஒவ்வொரு மாதமும் இறுதி ஞாயிற்றுக்கிழமை, காலை 9 மணிக்கும் 12 மணிக்கும் இடைப்பட்ட நேரத்தில் கொழும்பிலுள்ள நிதிக்குற்றப் புலனாய்வுப் பிரிவில் ஆஜராகுமாறு கட்டளையிட்டார்.
இதேவேளை, இந்த காணி விவகாரம் தொடர்பில் இதற்கு முன்னர், பசில் ராஜபக்ஷவின்
மைத்துடன் மற்றும் கட்டட வடிவமைப்பாளர் கைதுசெய்யப்பட்டதுடன், அவ்விருவரும் பிணையில் உள்ளனர் என்பது குறிப்பிடத்தக்கதாகும்.
இதேவேளை, பொருளாதார அபிவிருத்தி அமைச்சின் முன்னாள் அமைச்சர் பசில் ராஜபக்ஷவின் மனைவி புஷ்பா மற்றும் மகள் தேஜானா ஆகியோர், மோசடி, ஊழல் மற்றும் அதிகார அரச வளங்கள் மற்றும் சிறப்புரிமைகளைத் துஷ்பிரயோகம் செய்தமை தொடர்பில் விசாரணை செய்யும் ஜனாதிபதி ஆணைக்குழுவில், இன்று வெள்ளிக்கிழமை ஆஜராகுமாறு அழைக்கப்பட்டுள்ளனர்.
விமானப் படையினரின் விமானங்களை, தமது தேவைக்குப் பயன்படுத்திய குற்றச்சாட்டின் பேரிலேயே ஆணைக்குழுவினால் இவர்கள் அழைக்கப்பட்டுள்ளனர், என ஆணைக்குழுவின் பேச்சாளர் தெரிவித்தார்.
மே 4, 5ஆம் திகதிகளில், இதேவிடயம் தொடர்பில் ஆணைக்குழுவுவில் ஆஜராகுமாறு கேட்கப்பட்டபோதும், வெளிநாட்டில் இருந்தமையால், அவர்களால் சமுகமளிக்க முடியவில்லை என அவர் கூறினார்.
புஷ்பா ராஜபக்ஷ, காலையிலும் மகள் தேஜா ராஜபக்ஷ பிற்பகலிலும் ஆஜராக வேண்டுமென அழைக்கப்பட்டுள்ளனர். இந்த விடயம் தொடர்பில், பசில் ராஜபக்ஷ, கோட்டாபய ராஜபக்ஷ மற்றும் நாமல் ராஜபக்ஷ ஆகியோர் முன்னர் அழைக்கப்பட்டிருந்தனர்.
(“பசிலின் மனைவிக்கும், மகளுக்கும் அழைப்பு” தொடர்ந்து வாசிக்க…)
மத்திய மாகாண தமிழ்ப் பாடசாலைகளில் நிலவும் பிரச்சினைகள் தொடர்பாக அம்மாகாண கல்வி அமைச்சின் செயலாளர் என்.எஸ். பிரேமவன்ச அவர்களுடன் 04.05.2016 அன்று மக்கள் ஆசிரியர் சங்கம் பேச்சுவார்த்தை நடத்தியதுடன், நிலவும் பிரச்சினைகளை ஆராய்ந்து உரிய நடவடிக்கை எடுப்பதாக செயலாளர் உடன்பட்டுள்ளார். இக் கலந்துரையாடலின் போது மத்திய மாகாண தமிழ்க் கல்விப் பிரிவு பெயரளவில் இருக்கின்றமை, தமிழ் மொழிமூல பாடசாலைகளுக்கு தமிழ் மொழியில் சுற்றறிக்கைகள் வழங்கப்படாமை, தமிழ் மொழிப் பாடசாலைகளின் ஆசிரியர் இடமாற்றங்கள் இடமாற்றுச் சபையினூடாக இடம்பெறாமை, ஆசிரிய உதவியாளர்களின் கொடுப்பனவு முறையாக வழங்கப்படாமை மற்றும் விடுமுறை பற்றிய தெளிவீனம், உயர் தர மாணவர்களுக்கான குழு கருத்திட்டத்தில் மாணவர்கள் தவறாக வழி நடத்துகின்றமை போன்ற விடயங்கள் கலந்துரையாடப்பட்டதாக மக்கள் ஆசிரியர் சங்கத்தின் பொதுச் செயலாளர் இரா. நெல்சன் மோகன்ராஜ் குறிப்பிட்டார். குறித்த கலந்துரையாடலின் போது;
(அ.மார்க்ஸ்)
உலகத் தரமான அறிஞர்களால் எழுதப்பட்ட உலகத்தரமான பாடநூல்களை, குறிப்பாக வரலாற்று நூல்களை ஒழித்துக் கட்டுவது என்பது இந்துத்துவத்தின் முக்கிய திட்டங்களில் ஒன்று என்பதை விளக்கிச் சொல்ல வேண்டியதில்லை. இப்போது அவர்களின் தாக்குதலுக்கு இலக்காகி இருப்பது மறைந்த டாக்டர் பிபன் சந்திரா அவர்கள் (1928 -2014) தலைமையில் மிருதுளா முகர்ஜி, ஆதித்ய முகர்ஜி, கே.என்.பணிக்கர், சுசேதா மஹாஜன் ஆகியோர் உருவாக்கிக் கடந்த 25 ஆண்டுகளாகப் பாடநூலாக உள்ள ‘இந்திய சுதந்திரப் போராட்ட வரலாறு’ (India’s Struggle for Independence, 1857-1947) எனும் நூல். இவர்கள் அனைவரும் புகழ் பெற்ற வரலாற்றறிஞர்கள். பிபன் சந்திரா நீண்ட காலம் டெல்லி ஜவஹர்லால் நேரு பல்கலைக் கழகத்தில் வரலாற்றுத் துறைத் தலைவராகவும், ‘நேஷனல் புக் டிரஸ்ட்’ டின் தலைவராகவும், இந்திய வரலாற்று மாநாட்டின் தலைவராகவும் (1985) இருந்தவர். இன்று தாக்குதலுக்கு உள்ளாகியுள்ள இந்நூலில் உள்ள 39 அத்தியாயங்களில்22 அத்தியாயங்களை எழிதியவர் பிபன் சந்திரா.
(“பகத்சிங் சர்ச்சை : புரட்சிகரப் பயங்கரவாதி என்பது சரிதானா?” தொடர்ந்து வாசிக்க…)
நாஸாவின் கெப்லர் தொலைநோக்கி வேற்று நட்சத்திரங்களை வலம்வரும் நூற்றுக்கும் அதிகமான பூமியின் அளவு கிரகங்களை கண்டுபிடித்துள்ளது. அதேபோன்று உயிர்வாழ தகுந்த மற்றும் திரவ நீர் இருக்க சாத்தியம் கொண்ட வலயத்தில் உள்ள ஒன்பது சிறிய கிரகங்களும் அவதானிக்கப்பட்டுள்ளன. கெப்லர் தொலைநோக்கி புதிதாக கண்டுபிடித்திருக்கும் 1,284 கிரகங்களின் அட்டவணை வெளியிடப்பட்டுள்ளது. இதன்மூலம் முன்னர் கண்டுபிடிக்கப்பட்ட வேற்று கிரகங்களின் எண்ணிக்கை தற்போது இரட்டிப்பாகியுள்ளது.
(“பூமி அளவான நூற்றுக்கும் அதிக வேற்று உலகங்கள் கண்டுபிடிப்பு” தொடர்ந்து வாசிக்க…)
தமிழீழ விடுதலைக் இயக்கம் தமது வீரமரணம் அடைந்த தலைவர் சிறீசபாரத்தினம் அவர்களின் 30 வது நினைவு தினத்தை தாயகத்திலும் புலம் பெயர் தேசமெங்கும் இம்முறை நடாத்தியுள்ளனர். தாயகத்தில் புலிகளால் மிலேச்சத்தனமாக கொலை செய்யப்பட்ட அன்னங்கை கொக்குவில் பகுதியில் வணக்க நிகழ்வும் இதன் மறுதினம் கல்வியங்காட்டில் அமைந்த சட்டநாதர் கோவில் அருகில் உள்ள மண்டபத்திலும் நினைவு தின நிகழ்வுகள் நடைபெற்றுள்ளது. இந்தக் கூட்டத்தில் பல்வேறு அரசியல் அமைப்புக்களைச் சேர்ந்த தலைவர்களுடன் புதிதாக உருவாகியிருக்கும் தமிழர் சமூக ஜனநாயகக் கட்சியின் மூத்த தலைவர்களின் ஒருவாரான அ. வரதராஜப்பெருமாள் உரையாற்றினார்.
(“தலைவர் சிறீ சபாரத்தினம் சக போராளிகளின் 30ம் வருட நினைவு நிகழ்வுகள்” தொடர்ந்து வாசிக்க…)
திருகோணமலை பஸ் நிலையத்தில் அத்துமீறி மரக்கறி வியாபாரத்தை தொடங்கிய சிங்கள இன வியாபாரிகளை யாரும் வெளியேற்ற முயற்சிக்கவில்லை.அன்றைய பா.ஊ.நேமிநாதன் கூட மௌனமாகவே நின்றார்.ஊடகங்களில் மட்டும் செய்திகளாக வந்தன.அன்றைய நகர்ப்புற டி.ஆர்.ஓ ஆக சாம்பசிவ அய்யர் இருந்தார்.அவரிடம் பற்குணம் இது பற்றிக் கதைத்தார்.அவரும்,இ.போ.சபையும் தான் நடவடிக்கை எடுத்திருக்க வேண்டும்.இதற்கு சாதகமான அரச அதிபர் பதவியில் இருந்தும் நடவடிக்கை யாரும் எடுக்க முன்வரவில்லை .இந்த தவறு பின்னாளில் இனவெறியர்களுக்கு பலம் கொடுத்தது.
ஜனநாயக தமிழ்த் தேசிய முன்னணி என்கிற புதிய அரசியல் கூட்டணியொன்று, கடந்த வாரம் புதன்கிழமை அங்குரார்ப்பணம் செய்து வைக்கப்பட்டது. உதிரிகளின் கூட்டணி என்கிற எதிர்வினையை ஆரம்பத்திலேயே எதிர்கொண்டுள்ள இந்தப் புதிய கூட்டணி, தமிழ்த் தேசிய அரசியல் பரப்பில் தாக்கங்களை ஏற்படுத்தும் வல்லமை பெற்றதா அல்லது மற்றொரு தேர்தல் கூட்டணியா, என்கிற விடயங்கள் பற்றியே இந்தப் பத்தி கவனம் செலுத்த விளைகின்றது.
தான் உள்ளிட்ட நல்லாட்சி அரசாங்கத்தின் முக்கியஸ்தர்களைப் படுகொலை செய்வதற்குத் தீட்டப்பட்ட திட்டம், செயற்படுத்தப்படுகின்றமை வெளிச்சத்துக்கு வந்துள்ளதெனவும், உயிர்தொடர்பில் பாரிய அச்சுறுத்தல் இருக்கிறது என்றும், அமைச்சரவைப் பேச்சாளரும் சுகாதார அமைச்சருமான ராஜித சேனாரத்ன தெரிவித்துள்ளார்.
