Month: September 2024

கிழக்கு மாகாண ஆளுநராக ஜயந்த லால் ரத்னசேகர திருகோணமலையில் உள்ள ஆளுநர் செயலகத்தில் வியாழக்கிழமை (26) அன்று தனது கடமைகளை உத்தியோகபூர்வமாக பொறுப்பேற்றுக் கொண்டார்.பேராசிரியரான ஆளுனரை ஜனாதிபதி அநுர குமார திசாநாயக்க நியமித்துள்ளார். ஊவாவெல்லஸ்ஸ பல்கலைக்கழகத்தின் துணைவேந்தராக 2017 பெப்ரவரி முதல் நவம்பர் 2023 வரை செயற்பட்டுள்ள இவர் கந்தளாய் அக்ரபோதி வித்தியாலய பழைய மாணவருமாவார். குறித்த நிகழ்வில் மாகாண பிரதம செயலாளர் ஆர்.எம்.பி எஸ் ரத்நாயக்க, ஆளுனர் செயலக செயலாளர் எல்.பி மதநாயக்க, மாகாண அமைச்சுக்களின் செயலாளர்கள், மாகாண திணைக்கள தலைவர்கள் , தேசிய மக்கள் சக்தியின் நிறைவேற்று குழு உறுப்பினர் அருண் ஹேமச்சந்திர மற்றும் ஆதரவாளர்கள் என பலரும் கலந்துகொண்டனர்.

உலக சிறுவர் தினம் மற்றும் உலக ஆசிரியர் தினம் போன்ற நிகழ்வுகளை கொண்டாடுவதற்கு பெற்றோரிடமிருந்து பணம் வசூலிக்கக் கூடாது என கல்வி அமைச்சு வலியுறுத்துகிறது. இது தொடர்பில் கல்வி அமைச்சின் செயலாளர் திலகா ஜயசுந்தர, அனைத்து அதிபர்கள் மற்றும் கல்வி அதிகாரிகளுக்கு அறிவித்து கடிதம் ஒன்றையும் அனுப்பியுள்ளார்.

சர்ச்சைக்குரிய “ஈ-விசா” மோசடி குறித்து அரசாங்கம் விசாரணையை ஆரம்பிக்க உள்ளது. உயர் நீதிமன்றத்தின் தீர்ப்பைத் தொடர்ந்து வெளிநாட்டு கூட்டமைப்பை விலக்கி, நிகழ்நிலை விசா விண்ணப்ப தளத்தை அரசாங்கம் மீள ஆரம்பித்துள்ளது.

2023ஆம் ஆண்டுக்கான சாதாரண தர பரீட்சை பெறுபேறுகள் சற்று முன் வெளியாகி உள்ளன. பரீட்சைக்குத் தோற்றிய மாணவர்கள் தங்களது பெறுபேறுகளை doenets.lk மற்றும் results.exams.gov.lk ஆகிய இணையத்தளங்களில் பிரவேசித்து பெற்றுக்கொள்ள முடியும்.

புலமைப்பரிசில் பரீட்சையில் கசிந்த மூன்று வினாக்களுக்கு அனைத்து தரம் 5 மாணவர்களுக்கும் முழு மதிப்பெண்கள் வழங்கப்படும் என கல்வி, விஞ்ஞானம் மற்றும் தொழில்நுட்ப அமைச்சு அறிவித்துள்ளது. கசிவு குறித்து நிபுணர் குழுவின் விசாரணையைத் தொடர்ந்து, நேர்மையை உறுதிப்படுத்த இந்த நடவடிக்கையை எடுக்க அமைச்சகம் முடிவு செய்தது

அரச நிறுவனங்களுக்கு, மற்றும் அரச நிறுவனங்களுக்கு சொந்தமான வாகனங்களில் அரச இலச்சினை மற்றும், திணைக்களம் அல்லது நிறுவனங்களின் பெயரைப் பயன்படுத்துவது தொடர்பான சுற்றறிக்கையை மீண்டும் அமுல்படுத்துவது தொடர்பில் அரசாங்கம் கவனம் செலுத்தியுள்ளது. அரச ​​வாகனங்களை துஷ்பிரயோகம் செய்வதை தடுக்கும் வகையில் இவ்வாறு கவனம் செலுத்தப்பட்டுள்ளது. 

(தோழர் ஜேம்ஸ்)

இலங்கையில் ஆட்சி மாற்றம் நடந்தாகிவிட்டது.

புதிய ஜனாதிபதி, புதிய பெண் பிரதமர், புதிய மூன்று அமைச்சர்களைக் கொண்ட அமைச்சர் அவை என்றாக….

முதலில் இந்த ‘புதிய’ எல்லாற்றிற்கும் வாழ்த்துகள்… வரவேற்புகள்….

கடந்த 75 வருடங்களாக மாறி மாறி ஆட்சியிற்கு வந்தவர்களைத் தவிர்த்து புதி

ய வரவான தேசிய மக்கள் சக்தி(NPP)யாக உருவெடுத்திருக்கும் இது…..

ஆட்சி மாற்றமா…? அல்லது காட்சி மாற்றமா…? என்பதை உடனடியாக நாம் எதிர்வு கூற முடியாவிட்டாலும்…..!

ஜனாதிபதி தேர்தலில் நாடு ” மாற்றத்தை” அடையவில்லை, மாறாக “வரலாற்று மாற்றம்” உண்மையான மாற்றம்” அடைந்துள்ளது.  அதிலிருந்து உதித்திருக்கும் இந்த சிவப்பு நட்சத்திரம் தற்செயலாக உருவாக்கப்படவில்லை. இரத்தம்-கண்ணீர்-வியர்வை-துக்கம்-வலி-சாம்பல்-தூசி- ஏமாற்றம்- வலிகள்,  ஆகியவற்றிலிருந்து பிறந்திருக்கிறது. அதனை காப்பாற்றி பாதுகாக்கவேண்டுமாயின், ஒவ்வொரு துறைகளைச் சார்ந்தவர்களும் அர்ப்பணிக்க வேண்டும்.