Category: கட்டுரைகள்

(என். சரவணன்)

அந்தனி ஜீவா அவர்கள் காலமாகிவிட்ட செய்தி கவலையளிக்கிறது. கடந்த சில வருடங்களாக அவர் உடல்நிலை குன்றி இருந்தார்.மலையக இலக்கியத்தின் அடையாளங்களில் ஒருவராக பலரால் அறியப்பட்டவர்.

(தெ. ஞாலசீர்த்தி மீநிலங்கோ)

புத்தாண்டு பிறந்தாலும், அதனை சராசரி இலங்கையர்கள் கொண்டாடும் மனநிலையில் இல்லை. பொருளாதார நெருக்கடி, மக்கள் எழுச்சி, ஏமாற்றம், புதிய ஜனாதிபதி, அதீத பெரும்பான்மையுடனான பாராளுமன்றம் என மூன்று ஆண்டுகளில் ஏராளமானவற்றை இலங்கையர்கள் பார்த்து விட்டார்கள். இன்னமும் இலங்கை பொருளாதார நெருக்கடியில் இருந்து மீளவில்லை. போகிறபோக்கில் இப்போது அதிலிருந்து மீள்வதற்கான வாய்ப்புகள் குறைவு என்றே சொல்லத் தோன்றுகிறது.

இராசலிங்கத்துக்கு ஆலோசனை வழங்கிய சிங்கள எம். பி.

1970 ஆம் ஆண்டு எம்.சி.சுப்பிமணியம் அவர்களுக்குப் பின் தாழ்த்தப்பட்ட மக்கள் பிரதிநிதி எவரும் பாராளுமன்றத்தில் இருக்கவில்லை என்றும் அதுவும் அரசாங்கக் கட்சியின் தேசியப்பட்டியல் மூலமே அவர் வரமுடிந்தது என்றும் சாரப்பட அருண் சித்தார்த் நேற்று காணொளியில் தோன்றிப் பகிர்ந்திருந்தார்.

சில மாதங்களுக்கு முன்னரும் ஒரு இணைய ஊடக நிகழ்ச்சியில் தமிழ்க் கட்சிகள் தாழ்த்தப்பட்ட சமூகத்தோரை பாராளுமன்றம் அனுப்ப முயற்சிக்கவில்லை என்று குறிப்பிட்டிருந்தார்.

அருண் சித்தார்த்தின் தந்தையார் அருளானந்தம் அண்ணர் எனது அன்பிற்கும் நட்பிற்குமுரிய மூத்த ஊடகர்.

அருண் சிறந்த மொழிபெயர்ப்பாளர் என்பதை நானறிவேன். அதுவும் நான் பணியாற்றிய தொலைக்காட்சியில் அரசியல் நிகழ்ச்சிக்கு “சப்டைட்டில்’ செய்யவேண்டிய தேவை வந்தபோது “சப்டைட்டில்ஸ்’ என்ற புதுவகை மொழிபெயர்ப்பு முறையை விரைவாகப் பிடித்துச் செய்த திறமைசாலி அவர் என்பதை உணரமுடிந்தது. அந்தக் கதைகள் இங்கு அவசியம் இல்லை. விடயத்துக்கு வருவோம்.

அவர் காணொளிகளில் குறிப்பிட்டது போல அந்தக் காலத்தில் தேசியப் பட்டியல் முறை இருக்கவில்லை. நியமன எம்பி முறை பழைய அரசியலமைப்பிலிருந்தது.

செல்லையா குமாரசூரியர், எம்.சி. சுப்பிரமணியம், பதியுதீன் மஹ்மூத் போன்றோர் நியமன எம்பிக்களாக சிறீலங்கா சுதந்திரக் கட்சியின் ஐக்கிய முன்னணி அரசில் நியமனம் பெற்றவர்கள்.
அருண் பிரசாத் சொன்ன”தாழ்த்தப்பட்ட மக்கள்’ என்ற பதத்தை நான் இங்கு பாவிக்க விரும்பவில்லை. “சிறுபான்மை சமூகங்கள்” என்று அதனை இப்பதிவில் சில தகவல்களைச் சொல்வதற்காகக் குறிப்பிடுகிறேன்.
1977 தேர்தலில் தமிழர் விடுதலைக் கூட்டணி தனது வேட்பாளர்களில் ஒருவராக உடுப்பிட்டி வட்டாரக் கல்வி அதிகாரியாகப் பணியாற்றிய அமரர் த. இராசலிங்கம் அவர்களை உடுப்பிட்டித் தொகுதியில் வேட்பாளராக நிறுத்தியது.
“சாதிப் பெருமையும் தடிப்பும்” மிக்க தொகுதியாகக் கருதப்பட்ட உடுப்பிட்டியில் இராசலிங்கத்தை நிறுத்தி தமிழ் மக்கள் தங்கள் விடுதலையை அடைவதற்காக எல்லா வேறுபாடுகளையும் மறந்து ஒற்றுமையாகத் தங்கள் ஆணையைத் தருகிறார்கள் என்று காட்ட இராசலிங்கத்தை வெற்றியடையச் செய்யுமாறு கூட்டணித் தலைவர்கள் இளைஞர் பேரவையினர் மேடைகளில் ஏறிப் பிரசாரம் செய்தனர்.
அருணின் பாணியில் சொல்வதானால் சாதித் திமிர் பிடித்த, கரவெட்டி ,உடுப்பிட்டி, நவிண்டில், கரணவாய் வெள்ளாளர் மத்தியில இராசலிங்கம் நிறுத்தப்பட்டார்.
மூத்த பத்திரிகையாளர் ஒருவர் தமது வீட்டுக்கருகில் இராசலிங்கம் அவர்கள் கரவெட்டிக்கு வாக்குக் கேட்டு வந்தபோது ஒரு வீட்டில், அங்கிருந்த மூதாட்டி பேசிய கொடும் வார்த்தைகளைச் சொல்லி விசனப்பட்டார். அந்த மனுசியின் கடும் சொற்களை விட இராசலிங்கத்தைக் கல்லால் எறியலாமடா..அது காயம் குறைந்ததடா -என்றார்.
அந்த ‘மனுசி’ ஒன்றுமே படிக்காதது; ஆனால் இராசலிங்கம் ஒரு எம்.ஏ முதுமாணி. கொழும்பு

சென்.ஜோசப்பில் கற்று அங்கு ஆசிரியராகி உதவி அதிபராகி கல்வி அதிகாரியான ஒருவர். நிலைமையைப் பார் என்றார் கவலையுடன். கூட்டணி இப்படியான எதிர்ப்புகளின் மத்தியில் தான் உடுப்பிட்டித் தொகுதியில் அவரை நிறுத்தியிருந்தது.

அந்தப் பெண்ணின் அறிவும் வாழ்ந்த சூழலும் அந்தளவுந்தான் என்று தவிர்த்தாலும்…1977 தேர்தலின்போது முற்போக்கானவர்கள் என்று சமூகத்தில் மதிக்கப்பட்ட சமசமாஜியான ஆர்.ஆர் தர்மரத்தினமும் கே.சி மகாதேவனும் இராசலிங்கத்துக்கு எதிராகப் போட்டியிட்டனர்.
இதையும் விட.

சிறுபான்மை மகாசபை போன்ற இயக்கங்களுடனும் சிறுபான்மை சமூகங்களுக்கான போராடாடங்களுடனும் தொடர்புடைய அமரர் எஸ்.எஸ். சுந்தரமும் பிள்ளையினாரும் இராசலிங்கத்துக்கு எதிராகக் கேட்டார்கள்.

அமரர் சுந்தரம் பிரசாரத்தின்போது இராசலிங்கம் அல்ல, தான்தான் அவரைவிட இன்னும் தாழ்ந்தவன் என்றும் பேசினார்.

தொழிற்சங்கவாதியான கே.சி மகாதேவனும் தமிழீழம் ஒரு கனவு என்று கூட்டணிக்கு எதிராகக் கேட்டார். இராசலிங்கத்துக்கு தாம் எதிரல்ல என்றார்.

ஏனைய தொகுதிகளை விட உடுப்பிட்டியில் அதிக வேட்பாளர்கள் களத்தில் நின்றனர். இராசலிங்கத்தை எதிர்த்துத் எட்டுப் பேர் போட்டியிட்டனர்.

சாதியத் திமிர் எப்படியும் இராசலிங்கத்துக்கு எதிராகத் தமக்கே வாக்குகளை வழங்கும் என்று இவர்கள் எதிர்பார்த்தனர்.

இதே வேளை , போட்டியிட்ட தமிழ்க் காங்கிரஸ் சார்பிலான வேட்பாளர் மோதிலால் நேரு தமது பரப்புரையில் இப்படிச் சொன்ன ஞாபகம்:-
கோப்பாய் தொகுதியில் சிறுபான்மை சமூக மக்கள் ( வாக்காளர்கள்) அதிகம் உள்ளனர். அங்கு திரு இராசலிங்கத்தை இறக்கியிருக்கலாம். தமிழரசு தனது மூத்த உறுப்பினர் கதிரவேற்பிள்ளையை விடாமல் தமிழரசின் நலனுக்காக இங்கு ( உடுப்பிட்டியில்) போட்டமை தமிழினத்தில் பிளவுகளை ஏற்படுத்த என்று காங்கிரஸ் சார்பில் போட்டியிட்ட மோதிலால் நேரு பேசினார்.

1977 தேர்தல் நடந்து முடிந்து, முடிவுகள் வந்தன.
உடுப்பிட்டித் தொகுதியில் இராசலிங்கம் 18768 வாக்குகள் பெற்றார் அது 63.44%
அவரை எதிர்த்து நின்ற
ஆர். ஆர். தர்மரத்தினம் 13.6%
மோதிலால் நேரு 9.4%

எஸ்.எஸ்.சுந்தரம் 5%
கே.சி. மகாதேவன் 4%
பிள்ளையினார்.1%
இதேவேளை சிறுபான்மை சமூக மக்கள் அதிகம் கொண்ட தொகுதியான கோப்பாயில் தமிழர். விடுதலைக் கூட்டணி சார்பில் போட்டியிட்ட
சி. கதிரவேற்பிள்ளை 77.2% வாக்குகளைப் பெற்றார்.
அன்று தமிழ் மக்கள் சாதிய வேறுபாடுகளையெல்லாம் கடந்து தங்களது சுயநிர்ணயம் பற்றிய சிந்தனையில் ஒற்றுமையாக நின்றார்கள் என்பதையே இத்தேர்தல் முடிவுகள் இன்றும் காட்டுகின்றன.
தென்னிலங்கை அரசியல்வாதி ஒருவர் இராசலிங்கத்துக்குச் சொன்ன ஆலோசனை :-
அன்றைய பிரதமர் பிரேமதாச கரவெட்டி இராசகிராமத்தைத் திறக்க வந்தபோது இராசலிங்கம் அதிற் கலந்து கொண்டதால் இளைஞர்கள் குழம்பி சில சர்ச்சைகள் தோன்றின. அது நடந்த காலப்பகுதியில் தம்முடன் பழகிய சிலருக்கு அமரர் இராசலிங்கம் இந்தக் கதையைச் சொன்னார். ஹரிஸ்பத்துவ எம்.பி விஜயசிறி சொன்ன ஆலோசனைபற்றிய கதையே அது.
1978 இல் கூட்டணித் தலைமையுடன் மனஸ்தாபப்பட்டு அதன் மூத்த தலைவர்களில் ஒருவரான செ. இராசதுரை அவர்கள் ஐக்கிய தேசியக் கட்சியில் இணைந்து அரசாங்கத்தில் அமைச்சர்ப் பதவி பெற்ற காலத்தில் பாராளுமன்றத்தில் சுயேச்சை உறுப்பினராயிருந்து ஐ.தே.க வில் பின்னர் இணைந்த ஹரிஸ்பத்துவத் தொகுதி உறுப்பினரான (இரட்டை அங்கத்தவர் தொகுதி -மற்றவர் ஏ.சி.எஸ். ஹமீத்) ஆர்.பி விஜயசிறி இராசலிங்கத்துக்கு ஆலோசனை ஒன்று சொன்னாராம்.
சிங்கள சமூகத்தில் குறிப்பிட்ட சமூக வகுப்பைச் சேர்ந்த அவர் இராசலிங்கத்துக்குச் சொன்னது என்னவென்றால்,
“இராஸ், நீ சிறுபான்மை வகுப்பைச் சேர்ந்த ஒருவன். உங்களுக்கு இடது சாரிகளோடோ அல்லது யு என்.பி அல்லது எஸ்.எல் எப் பியோடோ சேர்ந்து உங்கள் உங்கள் சமூகங்களுக்குப் பெரிதாக ஒன்றும் செய்ய முடியாது.
உங்களுக்குப் பலமான கட்சி தமிழர்களுக்குரிய கூட்டணிதான்.‌நீ அவர்களோடு இருந்து தான் உள்ளுக்குள் போராடி உனது மக்களுக்குச் செய்வதைச் செய்யலாம். இராசதுரை மாதிரி அரசாங்கத்தோடு சேரப் பார்க்காதே.
ஆட்சி மாறினால் அவ்வளவும் தான்.
கூட்டணி தான் உங்கள் பலம்”
என்றாராம் விஜயசிறீ.
இதனை இராசலிங்கம் தமக்கு நம்பிக்கையானவர்களுடன் பகிர்ந்திருக்கிறார்.
தமிழர் விடுதலைக் கூட்டணி அவரை பாராளுமன்றக் குழுவில் கல்வி தொடர்பான சுற்றுலாக்களுக்கு அனுப்பியதை அமரர் இராசலிங்கம் பெருமையாகக் குறிப்பிட்டதுண்டு.
மாவட்டங்கள் தோறும் மாதிரிக் கிராமங்கள் உருவாக்கப்பட்டபோது இராசலிங்கம் கூட்டணித் தலைமைப்பீடத்திடம் கோரிக்கை விடுத்து கரவெட்டியில் இராசகிராமம் என்ற மாதிரிக் கிராமத்தை அமைத்திருந்தார்.
அதனைத் திறந்து வைக்க பிரதமர் ஆர்.பிரேமதாச வந்தபோது அதில் கலந்துகொள்ள கூட்டணித் தலைமைப்பீடம் அனுமதியளித்திருந்தமையும் இங்கு குறிப்பிடத்தக்கது.
“நான் கரணவாய் மகாவித்தியாலயம் திரு இருதயக் கல்லூரி, ஞானாசாரியர் கல்லூரி போன்றவற்றுக்கு கட்டிய கட்டிடங்கள் எங்களது மக்களுக்குத் தெரிவதில்லை.ஆனால் தேவரையாளி இந்துக் கல்லூரிக்குக் கட்டிடம் கட்டுவது மட்டும் தான் தெரிகிறது. இப்படியான பார்வையில் இந்த சமூகம் ஒவ்வொரு விடயங்களிலும் இருக்குமானால் எமக்கு விடிவு என்பது தூரத்தில் தெரிகிற நட்சத்திரமும் அல்ல” என்று இராசலிங்கம் அன்று சொன்னது இன்று நிதர்சனமாகிறது
யாழ்ப்பாணத்தில் 6 ஆசனங்களுக்காக 396 வேட்பாளர் போட்டிபோடும் நிலைக்கு
தமிழினம் வந்துள்ளது. ஒவ்வொருவர் மீதும் நம்பிக்கை புரிந்துணர்வு பகிர்வு மனப்பான்மை இல்லாமை போட்டி, பொறாமை, சூழ்ச்சி என்பனதான் இத்தனை இலக்கம் வந்தமைக்குக் காரணமாகும்.
இந்த நிலையில் நாம் தமிழர்களைப் பொறுத்தவரையில் மேலும் சமூக ரீதியாக மத ரீதியாகப் போட்டியிடத்தான் வேண்டுமா?

நிகழ்காலத்திலிருந்து எதிர்காலம் கட்டமைக்கப்படுகிறது. நிகழ்காலம் விரைவில் கடந்த காலமாக மாறி வருகிறது. எதிர்காலத்தில் சிறந்த முதலீடு நிகழ்காலத்தில் உள்ளது. எனவே, எதிர்காலத்தை உருவாக்க தற்போதைய அனுபவம் மிகவும் முக்கியமானது. 2025ஆம் ஆண்டை மறுமலர்ச்சி ஆண்டாகப் பெயரிடலாம். மேலும் இது மக்களின் எதிர்பார்ப்பு ஆண்டு; சமுதாயத்தில் உள்ள பெரும்பான்மையான மக்கள் தங்கள்  நம்பிக்கைகளுக்கு அடித்தளம் அமைக்கும்

(லக்ஸ்மன் )

வடக்குக் கிழக்குத் தமிழ் மக்களின் தமிழ்த் தேசிய அரசியல் மக்கள் விடுதலை முன்னணி (ஜே.வி.பி) – தேசிய மக்கள் சக்தியின் மாற்றம் எனும் அலையில் அடிபட்டுப் போனதைப் பற்றி இன்னமும் சிந்திக்காத தமிழ்த் தேசிய அரசியல் கட்சியினர் இப்போதும் தமது வெறுப்புணர்வுகளையும், வெப்புசாரங்களையும் கோப தாபங்களையும், இறுமாப்புகளையும், வெட்டுக்குத்துக்களையுமே வெளிப்படுத்திவருகின்றனர். இது தமிழர்களின் அபிலாசை நிறைவேற்றத்துக்கு எதிரான நிலைமையையே மேலும் வலுப்படுத்தும் என்பதனை மறந்தும் விடுகிறார்கள். 

(மொஹமட் பாதுஷா)

ரணில் விக்ரமசிங்கவின் கடந்த  ஆட்சியில் அரசியலமைப்பு பேரவைக்குச் சிறிய கட்சிகள்  சார்பில் தமிழ் பிரதிநிதியாக ஒருவரை  நியமிக்கப் பேரினவாதக் கட்சிகள் காட்டிய எதிர்ப்பும்  அரசியலமைப்பு பேரவையின் சிறிய கட்சிகளின் பிரதிநிதியாகத்  தமிழ்த் தேசியக்கூட்டமைப்பின் பங்காளிக் கட்சித் தலைவரும் தமிழீழ விடுதலைக் கழகத்தின் தலைவரும் யாழ் மாவட்ட  எம்.பியுமான தர்மலிங்கம் சித்தார்த்தனின் பெயரை பிரேரித்து விட்டு, அவரை நியமிக்குமாறு  தமிழ் தேசியக் கட்சிகள் நடத்திய  போராட்டமும்  ரணில் விக்ரமசிங்கவின் ஆட்சி கலையும் வரை சித்தார்த்தன் நியமிக்கப்படாமையும் வரலாறு.

(தோழர் மோகன்)

தமிழ் பேசும் மக்களின் அரசியல் உரிமைகளுக்காகவும், சுபிட்சமான எதிர்காலத்திற்காகவும் ஆயுதந் தாங்கிய போராட்டத்தில் தன்னை இணைத்துக் கொண்டு காத்திரமாக செயலாற்றிய தோழர் றொபேட் (தம்பிராசா சுபத்திரன்) அவர்களது 67 வது பிறந்த தினம் 24.12.2024 இன்றாகும்.

(தோழர் சுகு)

“நான் பிறந்தது பாலன் பிறந்த நேரத்திலாக்கும் “என்று நகைச்சுவை உணர்வுடன் பெருமிதம் கொள்வார்
இன்று அவரது 67வது அகவை நாள்
இலங்கையின் 76ஆண்டு சரித்திரத்தின் திருப்பு முனையில் தோழர் சுபத்திரன் ரஞ்சன் றொபேர்ட்டை நினைவு கூரல்.

(Paranji Sankar)

கப்பல், விமானங்களை கபளீகரம் செய்து வரும் பெர்முடா முக்கோண கடல் பரப்பின் மர்மங்களை அவிழ்ப்பதற்கு விஞ்ஞானிகள் தீவிர முயற்சிகளை மேற்கொண்டு வருகின்றனர். ஆனால், அதில் உண்மையான காரணம் என்று எதையும் சொல்ல முடியாமல் வெறும் கூற்றாகவே கூறி வருகின்றனர்.