Category: செய்திகள்

அரசமைப்பின் 20ஆவது திருத்தச் சட்டமூலத்தை, அரசாங்கம் கைவிடுவதற்கு நடவடிக்கை எடுத்துவருவதாக மிகவும் நம்பகரமான தகவல் தெரிவிக்கின்றது. இந்தச் சட்டமூலத்துக்கு எதிராக, உயர்நீதிமன்றத்தில், தாக்கல் செய்யப்பட்டுள்ள மனுக்கள் தொடர்பிலான வியாக்கியானம், சபாநாயகர் கரு ஜயசூரியவுக்கு அனுப்பிவைக்கப்பட்டுள்ளதாகத் தகவல் தெரிவிக்கப்படுகிறது. அரசமைப்பின் 20ஆவது திருத்தத்துக்கு எதிராக, அரசியல் கட்சிகள் மற்றும் சிவில் அமைப்புகள் இணைந்து, உயர்நீதிமன்றத்தில் பத்து மனுக்களை தாக்கல் செய்திருந்தன.

(“அரசாங்கம் 20 ஐ கைவிடும்” தொடர்ந்து வாசிக்க…)

முன்னாள் முதலமைச்சர் ஜெயலலிதாவின் மரணத்துக்கு, சசிகலாவின் குடும்பமே காரணம் என்று, தமிழக அமைச்சர் திண்டுக்கல் சி. ஸ்ரீனிவாசன் கூறியமை, பரபரப்பை ஏற்படுத்தியுள்ளது. ஜெயலவிதாவின் மரணம் தொடர்பில், இன்னும் ஆய்வு செய்யப்படாமைக்கு, சிறைச்சாலையில் தண்டனைக் கைதியாகவுள்ள சசிகலாவும் அவருடைய மருமகன் டி.டி.வி தினகரனுமே காரணம் என்றும் அவர் தெரிவித்துள்ளார்.

(“ஜெயலலிதாவின் மரணத்துக்கு சசிகலாவே பொறுப்பு” தொடர்ந்து வாசிக்க…)

மாகாண சபைகள் தொடர்பில் கொண்டுவரப்படும் அரசமைப்பின் 20ஆவது திருத்தச் சட்டமூலம் தொடர்பில், தமிழ்த் தேசியக் கூட்டமைப்பின் பங்காளிக் கட்சிகளில் ஒன்றான ஈ.பி.ஆர்.எல்.எப் கட்சிக்குள் பிளவு ஏற்பட்டுள்ளதாக தெரியவருகிறது. மாகாண சபைகளின் செயற்பாடு மற்றும் அதன் தேர்தல் தொடர்பில் அரசாங்கம் அரசமைப்பின் 20ஆவது திருத்தச் சட்டமூலத்தை நடைமுறைப்படுத்த நடவடிக்கை எடுத்துள்ளது. இந்நிலையில், மாகாண சபைகளின் செயற்பாட்டை பாதிக்கும் எனத் தெரிவித்து, வட மாகாண முதலமைச்சர் தலைமையிலான அணி அதனை எதிர்த்து வருகின்றது. தென்பகுதியில் உள்ள சில மாகாண சபைகளும் அதனை எதிர்த்து வருகின்றது.

(“புதிய சட்டமூலத்தால் ஈ.பி.ஆர்.எல்.எப்-க்குள் பிளவு” தொடர்ந்து வாசிக்க…)

(ரி. தர்மேந்திரன்)

கிழக்கு மாகாண முதலமைச்சர் நஸீர் அஹமட்டின் பணத்துக்கு தமிழ் தேசிய கூட்டமைப்பின் கிழக்கு மாகாண சபை உறுப்பினர்கள் விலை போன நிலையிலேயே அரசியல் அமைப்பின் 20 ஆவது திருத்த சட்டமூலத்துக்கு ஆதரவு வழங்கி உள்ளனர், தமிழ் தேசிய கூட்டமைப்பு மொத்தமாக விலை போய் விட்டதா? என்கிற வலுவான சந்தேகமும் இருக்கவே செய்கின்றது, இருப்பினும் இக்கூட்டமைப்பின் முன்னாள் பாராளுமன்ற உறுப்பினர் சுரேஸ் பிரேமச்சந்திரனின் அறிக்கை சற்று ஆறுதல் தருகின்றது என்று முன்னாள் அமைச்சர் ஏ. எல். எம். அதாவுல்லா தலைமையிலான தேசிய காங்கிரஸ் கட்சியின் தேசிய கொள்கை பரப்பு செயலாளர் சட்டத்தரணி எம். எம். பஹீஜ் ஞாயிறு தினக்குரலுக்கு வழங்கிய சிறப்பு பேட்டியில் தெரிவித்தார்.

(“முதலமைச்சர் நஸீரின் பணத்துக்கு முழு தமிழ் கூட்டமைப்புமே விலை போனதா?” தொடர்ந்து வாசிக்க…)

றோகிஞ்சா முஸ்லிம் ஆயுததாரிகள் மீது மேற்கொண்டு வருவதாக, மியான்மார் அரசாங்கம் தெரிவிக்கும் இராணுவ நடவடிக்கைக்கான தனது ஆதரவை, சீனா வெளியிட்டுள்ளது. ஓகஸ்ட் 25ஆம் திகதி, பாதுகாப்புப் படையினர் மீது நடத்தப்பட்ட தொடர் தாக்குதல்களைத் தொடர்ந்து, இந்த இராணுவ நடவடிக்கை ஆரம்பிக்கப்பட்டது. இந்த நடவடிக்கை காரணமாகவே, 400,000க்கும் மேற்பட்ட பொதுமக்கள், ராக்கைனிலிருந்து பங்களாதேஷுக்கு இடம்பெயர்ந்துள்ளனர். அத்தோடு, பல நூற்றுக்கணக்கானவர்கள் பலியாகியுள்ளனர் எனவும் கூறப்படுகிறது.

(“மியான்மாரை ஆதரிக்கிறது சீனா” தொடர்ந்து வாசிக்க…)

“கிழக்கு மாகாணத்தின் ஆட்சி காலம் நீடிக்கப்பட்டால், நீடிக்கப்படும் காலத்துக்கு முதலமைச்சராக தமிழர் ஒருவர் நியமிக்கப்பட வேண்டும்” என்று, மட்டக்களப்பு மாவட்ட நாடாளுமன்ற உறுப்பினர் ச.வியாழேந்திரன் குறிப்பிட்டார்.

(““கிழக்கு மாகாண நீடிப்பு காலத்தில் தமிழர் முதல்வராக நியமிக்கப்பட வேண்டும்”” தொடர்ந்து வாசிக்க…)

 

ஸ்ரீலங்கா முஸ்லிம் காங்கிரஸிக்கு இக்கட்சியின் முன்னாள் தவிசாளர் பஷீர் சேகுதாவூத்தின் மகத்தான சேவை என்றென்றைக்குமே தேவையாக உள்ளது என்று ஏறாவூர் நகர பிரதேச சபையின் முன்னாள் தவிசாளரும், கட்சியின் ஏறாவூர் பிரதேச முக்கியஸ்தர்களில் ஒருவருமான எம். சி. ஏ. கபூர் தெரிவித்தார்.

(“பஷீரின் மகத்தான சேவை என்றென்றும் முஸ்லிம் காங்கிரஸுக்கு தேவை!” தொடர்ந்து வாசிக்க…)

சிரியாவில் இடம்பெற்றுவரும் போரில் வெற்றிபெற்று விட்டதாக, லெபனானைச் சேர்ந்த ஷியா முஸ்லிம் குழுவான ஹிஸ்புல்லா தெரிவித்துள்ளது. அதேவேளை, அரசாங்கத்துக்கு எதிராகப் போரிட்டுவந்த ஆயுததாரிகளை, ஏறத்தாழ நாட்டை விட்டு, அரசாங்கப் படைகள் வெளியேற்றிவிட்டன என, ரஷ்யா தெரிவித்தது. சிரிய ஜனாதிபதி பஷார் அல்-அசாட்டின், இரண்டு முக்கியமான தோழமைப் பிரிவுகளால் வழங்கப்பட்ட இக்கருத்துகள், சிரியாவில், அரசாங்கப் படைகளால் தொடர்ந்து ஏற்படுத்தப்பட்டுவரும் முன்னேற்றத்தைக் காட்டுவதாக அமைந்துள்ளது.

(“‘சிரியாவில் போர் வெல்லப்பட்டு விட்டது’” தொடர்ந்து வாசிக்க…)

யாழ்ப்பாணம் மற்றும் கிளிநொச்சி ஆகிய இரண்டு மாவட்டங்களிலும் தற்கொலை செய்துகொள்வோரின் எண்ணிக்கை, வருடத்துக்கு வருடம் அதிகரித்துள்ளதாக, வட மாகாண ​சபையின் சுகாதார அமைச்சால் மேற்கொள்ளப்பட்ட அந்த கணிப்பீட்டின் பிரகாரம், இரண்டு மாவட்டங்களிலும் 2009ஆம் ஆண்டில் தற்கொலை செய்து​கொண்டோரின் எண்ணிக்கை 124 ஆகும். 2010ஆம் ஆண்டு 137 பேரும், 2011ஆம் ஆண்டு 141 பேரும், 2012ஆம் ஆண்டு 153 ​பேரும் 2013ஆம் ஆண்டு 158 பேரும், 2014ஆம் ஆண்டு 157 பேரும், 2015ஆம் ஆண்டு 139 பேரும் 2016ஆம் ஆண்டு 179 பேரும் தற்கொலை செய்துகொண்டுள்ளனர்.

(“‘யாழ்ப்பாணம், கிளி.யில் தற்கொலைகள் அதிகரிப்பு’” தொடர்ந்து வாசிக்க…)

வரும் 2019 மக்களவைத் தேர்தலில் பிரதமர் வேட்பாளராக போட்டியிடத் தயார் என்று காங்கிரஸ் துணைத் தலைவர் ராகுல் காந்தி தெரிவித்துள்ளார். இரண்டு வார சுற்றுப்பயணமாக அமெரிக்கா சென்றுள்ள அவர் கலிபோர்னியா மாகாணத்தில் உள்ள பெர்க்ளி பல்கலைக்கழகத்தில் பேசினார். அப்போது அவரிடம் வரும் 2019 மக்களவைத் தேர்தலில் காங்கிரஸின் பிரதமர் வேட்பாளராக களமிறங்குவீர்களா என்று கேள்வி எழுப்பப்பட்டது. அதற்கு பதிலளித்த ராகுல் காந்தி, பிரதமர் வேட்பாளராக போட்டியிட தயார். ஆனால் இதுகுறித்து நான் முடிவு செய்ய முடியாது. காங்கிரஸ் கட்சிதான் முடிவு செய்ய வேண்டும் என்றார்.

(“பிரதமர் வேட்பாளராக போட்டியிட தயார்: ராகுல் காந்தி விருப்பம்” தொடர்ந்து வாசிக்க…)