The Formula
ஜனாதிபதி மைத்திரிபால சிறிசேனவின் கட்சியான ஸ்ரீ லங்கா சுதந்திரக் கட்சியைச் சேர்ந்த இராஜாங்க அமைச்சர்களையும் பிரதியமைச்சர்களையும், அரசாங்கத்தைக் கொண்டுநடத்தும் ஐக்கிய தேசியக் கட்சியால் மேற்கொள்ளப்படும் அநீதிகளுக்கு எதிராக உறுதியாக இருக்குமாறு, பணித்துள்ளதாகத் தெரியவருகிறது.
(“ஐ.தே.கவை எதிர்த்து உறுதியாய் நிற்குமாறு சு.கவினருக்கு ஜனாதிபதி பணிப்பு” தொடர்ந்து வாசிக்க…)
கொலம்பியா சமாதான ஒப்பந்தத்தின் விளைவாக, ஆயுதப் போராட்டம் நடத்திய மார்க்சிய FARC இயக்கம், இனிமேல் ஒரு அரசியல் கட்சியாக இயங்கும். இயக்கப் போராளிகள், தம்மிடம் உள்ள ஆயுதங்களை ஒப்படைத்து விட்டு இயல்பு வாழ்க்கைக்கு திரும்புகின்றனர். ஊர் திரும்பும் முன்னாள் போராளிகள் பாதுகாப்பின்மையை உணர்கின்றனர். பலருக்கு மரண அச்சுறுத்தல் விடுக்கப் பட்டுள்ளது.
(“ஆயுதப் போராட்டம் நடத்திய மார்க்சிய FARC இயக்கம்” தொடர்ந்து வாசிக்க…)
ஐக்கிய அமெரிக்காவின் அடுத்த ஜனாதிபதியாக டொனால்ட் ட்ரம்ப் பதவியேற்பதற்கு, இன்னமும் 3 வாரங்களுக்குக் குறைவான நாட்களே உள்ள நிலையில், சர்ச்சைக்குரியவரான ட்ரம்ப்பின் சர்ச்சைகள், குறைந்தபாடாக இல்லை. ட்ரம்ப் தெரிவான ஜனாதிபதித் தேர்தலில், ட்ரம்ப்புக்கு ஆதரவாக, ரஷ்யாவின் அரசாங்கம் செயற்பட்டது எனவும் ஐ.அமெரிக்க இணையத்தளங்களை ஹக் செய்தது எனவும், ஐ.அமெரிக்க புலனாய்வுத்துறையினர் வழங்கிய அறிக்கையையடுத்து, ரஷ்யாவைச் சேர்ந்த 35 பேரை, உளவுபார்த்தார்கள் என்ற குற்றச்சாட்டில், ஜனாதிபதி பராக் ஒபாமா வெளியேற்றினார். இரண்டு சொத்துகளும் முடக்கப்பட்டன.
ஸ்ரீலங்கா முஸ்லிம் காங்கிரஸை சேர்ந்த விளையாட்டு துறை பிரதி அமைச்சர் எச். எம். எம். ஹரீஸ் வடக்கு, கிழக்கு மாகாணங்களின் மீள் இணைப்புக்கு உதவி, ஒத்தாசை வழங்குவார் என்று புலம்பெயர் தமிழ் சமூக பிரதிநிதிகளுடன் இரகசிய ஒப்பந்தம் செய்து உள்ளார் என்று செய்திகள் வெளியாகி உள்ளன. முன்னாள் நாடாளுமன்ற உறுப்பினரும், ஊடகவியலாளருமான தமிழ் பிரபலம் ஒருவர் இவ்விடயத்தில் இடை தரகராக செயற்பட்டு உள்ளார்.
(“விலை போனார் விளையாட்டு துறை பிரதி அமைச்சர் ஹரீஸ்!” தொடர்ந்து வாசிக்க…)
“எதிர்வரும் 9, 10, 11ஆம் திகதிகளில், நாடாளுமன்றம் கூடவுள்ளது. இதற்கு முன்னதாக புதிய அரசியலமைப்புத் தொடர்பாக ஆராயவுள்ளோம். இதற்கமைய, 6ஆம் திகதி முதல் தொடர்ந்து மூன்று நாட்கள், தமிழ்த் தேசியக் கூட்டமைப்பின் நாடாளுமன்ற உறுப்பினர்கள் அனைவரும் கூடி கலந்தாலோசிக்கவுள்ளோம்” என்று, எதிர்க்கட்சித் தலைவரும் தமிழ்த் தேசியக் கூட்டமைப்பின் தலைவருமான இரா.சம்பந்தன் தெரிவித்தார். இந்தக் கலந்துரையாடலுக்கு, சுரேஷ் பிரேமசந்திரன் உள்ளிட்ட தமிழ்த் தேசியக் சுட்டமைப்பில் அங்கம் வகிக்கும் அனைத்துக் கட்சித் தலைவர்களுக்கும், சுட்டமைப்பின் நாடாளுமன்ற உறுப்பினர்களுக்கும் அழைப்பு விடுக்கப்பட்டுள்ளது” என்றும் அவர் கூறினார்.
புதிய அரசியலமைப்பு தொடர்பாக ஆராய தமிழ்த் தேசியக் கூட்டமைப்பின் நாடாளுமன்ற உறுப்பினர்கள் எதிர்வரும் 6ஆம் திகதி கொழும்பில் கூடவுள்ளனர். தமிழ்த் தேசியக் கூட்மைப்பின் தலைவரும் எதிர்க் கட்சித் தலைவருமான இரா.சம்பந்தன் தலைமையில் கூடவுள்ள இக்கூட்டத்தில், தமிழ்த் தேசியக் கூட்டமைப்பின் நாடாளுமன்ற உறுப்பினர்கள் அனைவருக்கும் அழைப்பு விடுக்கப்பட்டுள்ளது. புதிய அரசியல் அமைப்புத் திட்டம், உப குழு அறிக்கை தொடர்பான மூன்று நாட்கள் விவாதம், கலந்துரையாடல்கள் இடம்பெறவுள்ளன. இது தொடர்பில் வினவியபோதே அவர் இவ்வாறு தெரிவித்தார்.
இது குறித்து, ஈழ மக்கள் புரட்சிகர விடுதலை முன்னணியின் தலைவரும் முன்னாள் நாடாளுமன்ற உறுப்பினருமான சுரேஷ் பிரேமசந்திரன் கருத்துத் தெரிவிக்கையில், “புதிய அரசியலமைப்பு தொடர்பாக ஆராய்வதற்கு கூடவுள்ள கலந்துரையாடலுக்கு எமக்கு அழைப்பு விடுக்கப்பட்டுள்ளது. இதற்கமைய, இக்கலந்துரையாடலில் நாம் நிச்சயம் கலந்துகொள்வோம்” என்றார்.
(“புதிய அரசியலமைப்பு தொடர்பில் 3 நாட்களுக்கு த.தே.கூ ஆராயும்” தொடர்ந்து வாசிக்க…)
(தமிழர் சமூக ஜனநாயக கட்சி, திருகோணமலை செய்தியாளர்)
தமிழர் சமூக ஜனநாயக கட்சியின் கீழ் நிறுவப்பட்ட தொழிலாளர் சங்கமானது 31/12/2016 நிலாவெளியில் கட்சியின் தலைவர் தி.ஸ்ரீதரன்(சுகு), மாவட்ட செயலாளர் சத்தியன், நிதி பொறுப்பாளர் கிருபா மற்றும் திருகோணமலை கட்சியின் முக்கியஸ்தர்கள் பவியன், ஓங்காரம் முன்னிலையில் தொழில் சங்கமான நிலாவெளி கிராமிய தொழிலாளர் முன்னேற்ற சம்மேளனம் ஆரம்பித்து வைக்கப்பட்டது. அதில் அதிகளவான உறுப்பினர்கள் சேர்த்துக் கொள்ளப்பட்டனர்.
சிரிய சிவில் யுத்தத்திலுள்ள யுத்தநிறுத்தமொன்றை, ஐக்கிய நாடுகளின் பாதுகாப்புச் சபை நேற்று (31) வரவேற்றுள்ளது. எனினும், யுத்தநிறுத்த மீறல்கள் தொடருமானால், யுத்தநிறுத்தத்தை கைவிடவுள்ளதாக போராளிக் குழுக்கள் எச்சரித்துள்ளன. ஏறத்தாழ ஆறு ஆண்டுகளாகத் தொடரும் போரை முடிவுக்கு கொண்டுவரும் வகையில், கடந்தாண்டில் கொண்டுவரப்பட்ட மூன்றாவது யுத்தநிறுத்தத்தை வரவேற்கும் தீர்மானத்தை, 15 அங்கத்தவர்களைக் கொண்ட பாதுகாப்புச் சபை, ஐக்கிய அமெரிக்காவின் நியூ யோர்க்கில் இடம்பெற்ற கூட்டத்தில் ஏகமனதாக ஏற்றுக்கொண்டது.
(“சிரிய யுத்தநிறுத்தத்தை வரவேற்கிறது ஐ.நா பாதுகாப்புச் சபை” தொடர்ந்து வாசிக்க…)
தமிழர் சமூக ஜனநாயக கட்சி திருகோணமலை காரியாலயத்தில் மாவட்ட செயலாளர் சத்தியனால் கல்வி சேவை நிகழ்வு நடத்தப்பட்டது. 550 பிள்ளைகளுக்கு பாடசாலை உபகரணங்கள் வழங்கப்பட்டது. இவ் நிகழ்வில் கட்சியின் தலைவர் தி .ஸ்ரீதரன், நிதி பொறுப்பாளர் கிருபா மற்றும் அனைத்து தோழர்களும் கலந்து கொண்டனர்.
அமெரிக்காவின் நடவடிக்கைக்கு பதிலடி கொடுக்கும் வகையில் அந்நாட்டு தூதர்கள் 35 பேரை வெளியேற்ற ரஷ்யா திட்டமிட்டுள்ளது. அமெரிக்காவில் நடந்து முடிந்த ஜனாதிபதி தேர்தலில் குடியரசு கட்சியை சேர்ந்த டொனால்டு டிரம்ப் வெற்றி பெறுவதற்கு ஆதரவாக ரஷ்யா செயல்பட்டதாக குற்றச்சாட்டுக்கள் எழுந்தன. இந்த தேர்தல் முறையில் ரஷியாவை சேர்ந்த ஹேக்கர்கள் நுழைந்து மோசடி செய்து விட்டதாக கிரீன் கட்சி வேட்பாளர் ஜில் ஸ்டீன் குற்றம் சாட்டி இருந்தார்.
(“பழிக்குப் பழி: 35 அமெரிக்க தூதர்களை வெளியேற்ற ரஷ்யா திட்டம்” தொடர்ந்து வாசிக்க…)
ஈழவிடுதலைப் போராட்டத்தின் முன்னோடிகளில் ஒருவரும் பத்மநாபா தலமையிலான ஈபிஆர்எல்எவ் இன் நீண்டகால உறுப்பினருமான தோழர் தங்க மகேந்திரன் இன்று சென்னையில் இயற்கை எய்தினார். ஆரம்ப காலத்தில் தமிழ் இளைஞர் பேரவையில் தனது அரசியல் பயணத்தை மேற்கொண்ட இவர் தோழர் புஷ்பராஜ, பிரான்சிஸ், புஸ்பராணி, பத்மநாபா, வரதராஜப்பெருமாள், ஆகியோருடன் இணைந்து ஆரம்ப கால தமிழீழ விடுதலை இயக்கத்தில்(TLO)(இவ் அமைப்பு தற்போதைய் ரெலோ அமைப்பு அல்ல) செயற்பட்டுவந்தார். இதில் முத்துக்குமார் போன்றவர்களும் இணைந்து செயற்பட்டுவந்தனர். தமிழ் ஈழ விடுதலை இயக்கத்தின் தலைமைக்குழுவினரான முத்துக்குமாரசாமி .புஷ்பராஜா ,வரதராஜப் பெருமாள், சந்திரமோகன் ஆகியோருடன் தங்கமகேந்திரனும் தலைமைக்குழுவில் இருந்தார் இவ் அமைப்பின் செயற்பாடு மிகக் குறுகிய காலத்திற்கு மட்டும் செயற்பாட்டில் இருந்தது. இதன் பின்பு ஈழப்புரட்சி அமைப்பிலிருந்து கொள்கை வேறுபாடுகள் காரணமாக பிரிந்து வந்து உருவான பத்மநாபா தலமையிலான ஈபிஆர்எல்எவ் இல் இணைந்து தனது அரசியல் பயணத்தை மேற்கொண்டார்.
(“தோழர் தங்க மகேந்திரன் எம்மைவிட்டுப் பிரிந்தார்” தொடர்ந்து வாசிக்க…)
