Category: செய்திகள்

ஸ்ரீ லங்கா சுதந்திரக் கட்சி ஆதரவாளர்கள் பலரை ஒழுக்காற்று நடவடிக்கை எனக் கூறி கட்சியிலிருந்து வெளியேற்ற முயற்சி மேற்கொள்ளப்படுகிறது. உள்ளூராட்சி மன்றங்களைச் சேர்ந்த பிரதிநிதிகளுக்கான கூட்டத்திற்கு உள்ளூராட்சி மன்றங்களைச் சேர்ந்த உறுப்பினர்களில் 95 சதவீதத்தினர் வருகை தந்துள்ளனர். இவர்களுக்கு எதிராகவும் ஒழுக்காற்று நடவடிக்கை என்று கூறி, இவர்களையும் கட்சியிலிருந்து வெளியேற்றினால், இவர்கள் செல்வதற்கு ஒரு இடம் வேண்டும் என்று முன்னாள் ஜனாதிபதி மஹிந்த ராஜபக்ஷ தெரிவித்தார்.

(“பழிவாங்கல்கள் தொடர்கிறது!” தொடர்ந்து வாசிக்க…)

ஆங்கிலேயரினால் சிங்களவரிடம் கையளிக்கப்பட்ட தமிழரின் நாட்டை மீண்டும் தமிழர்களுக்கு கையளிக்கப்பட வேண்டும் என்று ஆர். சம்பந்தன் வலியுறுத்தியுள்ளார். எதிர்க்கட்சித் தலைவர் ஆர். சம்பந்தன் இன்றைய திவயின வார இதழுக்கு அளித்துள்ள நேர்காணலில் இதனைத் தெரிவித்துள்ளார். தொடர்ந்தும் கருத்து வெளியிட்டுள்ள அவர், இந்நாடு கடந்த ஒரு தசாப்த காலமாக சர்வதேச மட்டத்தில் தனிமைப்படுத்தப்பட்டு, ஒதுக்கப்பட்டிருந்தது. போர்க்குற்றங்கள் மற்றும் மனித உரிமை மீறல்கள் தொடர்பில் நியாயமான விசாரணை நடத்தப்பட வேண்டும் என்று ஜெனீவா இணக்கப்பாட்டின் அடிப்படையில் தற்போது இலங்கை மீண்டும் சர்வதேச கௌரவத்தை பெற்றுள்ளது.

(“ஆங்கிலேயர் சிங்களவரிடம் கையளித்த தமிழரின் நாட்டைத் தாருங்கள்!” தொடர்ந்து வாசிக்க…)

மஹிந்த ராஜபக்க்ஷவின் அரசியல் விவகாரம் மற்றும் மக்கள் தொடர்புக் காரியாலயம் என்ற போர்வையில் மஹிந்த கட்சி காரியாலயம் பத்தரமுல்ல நெலும் மாவத்தையில் திறந்து வைக்கப்பட்டுள்ளது. இந்நிகழ்வு நிகழ்வு மஹிந்த ராஜபக்ஷவின் தலைமையில் நடைபெற்றுள்ளது.நாட்டையும் இராணுவத்தையும் காட்டிக் கொடுக்கும் அரசாங்கத்திற்கு எதிராக போராட அனைவரையும் தம்முடன் ஒன்றிணைய வேண்டும் என்று மகிந்தர் அறைகூவல் விடுத்து அழைப்பு விடுத்துள்ளார். இன்றைய இந்நிகழ்வில் ஆனந்த தேரர் உட்பட மஹிந்த கம்பனி சகாக்கள் அனைவரும் கலந்து கொண்டார்கள்.

(“மஹிந்தவின் புதிய ஆட்டம்!” தொடர்ந்து வாசிக்க…)

மஹிந்த ராஜபக்ச புதிய கட்சியை ஆரம்பிக்கட்டும், வேலையை நான் காட்டுகின்றேன். அவர் பாற்சோறு சமைக்கட்டும், காரமான உறைப்பை நான் வழங்குகின்றேன். இவ்வாறு தெரிவித்துள்ளார் ஜனாதிபதி மைத்திரிபால சிறிசேன. ஸ்ரீலங்கா சுதந்திரக் கட்சியின் மத்திய செயற்குழுக் கூட்டம் ஜனாதிபதி மைத்திரிபால சிறிசேன தலைமையில் கொழும்பிலுள்ள அவரது உத்தியோகபூர்வ வாசஸ்தலத்தில் வெள்ளிக்கிழமை மாலை நடைபெற்றது. முன்னாள் ஜனாதிபதி மஹிந்த ராஜபக்ச தலைமையில் உதயமாகவிருக்கும் புதிய கட்சி தொடர்பில் செயற்குழுவிலுள்ள மஹிந்த ஆதரவு உறுப்பினர்களுக்கும், அரசாங்கத்தில் அங்கம் வகிக்கும் அமைச்சர்களுக்கும் இடையில் பெரும் வாக்குவாதம் நடைபெற்றுள்ளது. இதன்போதே ஜனாதிபதி மேற்கண்வாறு தெரிவித்ததாக மத்திய செயற்குழுவிலுள்ள உறுப்பினர் ஒருவர் ஐ.பி.சி தமிழ் செய்திகளுக்குத் தெரிவித்தார்.

(“மஹிந்த புதிய கட்சி ஆரம்பிக்கட்டும்! நான் வேலையை காட்டுகிறேன்!” தொடர்ந்து வாசிக்க…)

ஐக்கிய நாடுகள் மனித உரிமைகள் ஆணையகத்தினால் இலங்கைக்கு எந்தவொரு அழுத்தங்களோ அல்லது உத்தரவுகளோ பிறப்பிக்கப்படவில்லை என ஜனாதிபதி மைத்திரிபால சிறிசேன தெரிவித்துள்ளார். சிலர் ஊடகங்களுக்கு பலவாறான கருத்துக்களை வெளியிட்டு வருவதாக சுட்டிக்காட்டியுள்ள அவர், அவர்கள் செய்த பாவங்களையே தற்போது கழுவ வேண்டிய நிலை ஏற்பட்டுள்ளதாகவும் தெரிவித்துள்ளார். பலாங்கொடையில் நேற்று இடம்பெற்ற நிகழ்வொன்றில் கலந்து கொண்டு உரையாற்றிய போதே அவர் மேற்கண்டவாறு தெரிவித்துள்ளார். இதன்போது அங்கு தொடர்ந்தும் உரையாற்றிய அவர், இலங்கைக்கு விஜயம் செய்திருந்த சயிட் அல் ஹூசெய்ன் வடக்கு கிழக்கிற்கு விஜயம் மேற்கொண்டிருந்தார். இதன்போது அவர் நாட்டில் ஏற்பட்டுள்ள முன்னேற்றம் குறித்து திருப்தி அடைந்துள்ளார்.

(“நீங்கள் செய்த பாவத்தினையே நாங்கள் கழுவுகின்றோம்!” தொடர்ந்து வாசிக்க…)

புதிய கட்சியை அமைக்கும் அனைவரும் கட்சியிலிருந்து நீக்கப்படுவர் என ஸ்ரீலங்கா சுதந்திரக் கட்சியின் பொதுச் செயலாளர் துமிந்த திஸாநாயக்க தெரிவித்துள்ளார். புதிய கட்சியில் இணைந்து கொள்ளும் தரப்பினர் தராதரம் பாராது கட்சியிலிருந்து நீக்கப்படுவர் என அவர் குறிப்பிட்டுள்ளார். ஸ்ரீலங்கா சுதந்திரக் கட்சியில் இருந்து கொண்டு நாங்கள் தான் உண்மையான சுதந்திரக் கட்சிக்காரர்கள் என கூறிக்கொண்டு கட்சியை பலவீனப்படுத்த தொடர்ந்தும் அனுமதிக்க முடியாது என அவர் குறிப்பிட்டுள்ளார்.

(“புதிய கட்சி அமைக்கும் அனைவரும் கட்சியிலிருந்து நீக்கப்படுவர்!” தொடர்ந்து வாசிக்க…)

தமிழீழ விடுதலைப் புலிகளின் முக்கிய உறுப்பினர்களில் ஒருவராக கருதப்படும் எமில்காந்தனுக்கு எதிரான சர்வதேச பயணத் தடை தொடர்ந்தும் அமுலில் இருக்கும் என தெரிவிக்கப்படுகிறது. எமில்காந்தனுக்கு எதிரான தடையை நீக்குமாறு விடுக்கப்பட்ட கோரிக்கையை கொழும்பு கோட்டே நீதிமன்றம் நிராகரித்துள்ளது. ராடா நிறுவனம் சுனாமி வீடமைப்பு திட்டதத்தினை முன்னெடுப்பதாகக் கூறி 168 மில்லியன் ரூபா மோசடி செய்துள்ளதாகவும் இந்த மோசடிகளுடன் எமில்காந்தனுக்கு தொடர்பு இருப்பதாகவும் குற்றம் சுமத்தப்பட்டுள்ளது. எமில்காந்தன் தற்போது வெளிநாடு ஒன்றில் வசித்து வருகின்றார் என்பது குறிப்பிடத்தக்கது. இலங்கை நீதிமன்றில் ஆஜராக திட்டமிட்டுள்ளதாகவும், இலங்கை நீதிமன்றினால் விதிக்கப்பட்டுள்ள சர்வதேச பயணத் தடையை நீக்குமாறும் எமில்காந்தனின் சட்டத்தரணிகள் நேற்றைய தினம்கோரியிருந்தனர். எனினும் இந்தக் கோரிக்கையை

தமிழில் தேசிய கீதம் என்பது தமிழ் மக்களுக்கு கொடுக்கப்பட்ட பண்டிகைக்கால இனிப்பாக இருந்து கூடாது என்றும், தமிழ் மொழியில் தேசிய கீதம் பாடப்பட்டது தொடர்பில் தமிழ் பேசும் மக்கள் மெய்சிலிர்த்து, கண்கலங்கி, அகம் மகிழ்ந்து விடவில்லை எனவும் தேசிய சகவாழ்வு கலந்துரையாடல் மற்றும் அரசகரும மொழிகள் அமைச்சரும், தமிழ் முற்போக்கு கூட்டணி தலைவருமான மனோ கணேசன் தெரிவித்துள்ளார். மத்திய கிழக்கில் தொழில் புரிந்து வாழும் இலங்கை பணியார்களுக்காக விசேடமாக நடத்தப்பட்ட நேரடி தொலைகாட்சி ஒளிபரப்பில், கலந்துகொண்டு சிங்கள மொழியில் உரையாற்றிய அமைச்சர் மனோ கணேசன் மேற்கண்டவாறு கூறியுள்ளார்.

(“தமிழில் தேசிய கீதம் பண்டிகை இனிப்பாக இருக்க கூடாது, மனோ கணேசன்!” தொடர்ந்து வாசிக்க…)

முன்னாள் ஜனாதிபதி மகிந்த ராஜபக்ச 1815 ஆம் ஆண்டு ஆங்கிலேயருடன் செய்து கொள்ளப்பட்ட மேல் நாட்டு உடன்படிக்கை பற்றி தெரிந்தா பேசுகிறார் என ஜனாதிபதி மைத்திரிபால சிறிசேன கேள்வி எழுப்பியுள்ளார். அமெரிக்கா ஐ.நா மனித உரிமை பேரவையில் கொண்டு வந்த யோசனைக்கு இலங்கை ஆதரவு வழங்கியமையானது 1815 ஆம் ஆண்டு மேல் நாட்டு உடன்படிக்கைக்கு இணையானது என மகிந்த ராஜபக்ச அண்மையில் வெளியிட்டிருந்த ஊடக அறிக்கையில் குறிப்பிட்டிருந்தார். இது குறித்து மேலும் கருத்து வெளியிட்டுள்ள ஜனாதிபதி மைத்திரிபால, மின்சார நாற்காலிக்கு கொண்டு செல்ல போகின்றனர் என்று கதறியவர்களை எமது அரசாங்கமே காப்பாற்றியது எனக் கூறியுள்ளார்.

முசலி பிரதேச செயலாளர் பிரிவுக்குட்பட்ட சிலாபத்துறை காட்டுப்பகுதியில் மறைத்து வைக்கப்பட்டிருந்த நிலையில் 17 இலட்சம் ரூபாய் பெறுமதியான கேரள கஞ்சாப்பொதிகளை, மன்னார் மது வரித்திணைக்கள அதிகாரிகள், நேற்று வெள்ளிக்கிழமை (12) மாலை மீட்டுள்ளனர். மன்னார் மது வரித்திணைக்கள அதிகாரிகளுக்கு கிடைக்கப்பெற்ற விசேட தகவலின் அடிப்படையில் மன்னார் மதுவரி திணைக்களத்தின் பொறுப்பதிகாரி பிரதம பரிசோதகர் எஸ்.ரஞ்சன் தலைமையில் மது வரி நிலைய சாஜன் வி.திருச்செல்வம், மது வரி நிலைய காவலாளி எஸ்.விதுசன், மது வரி திணைக்களத்தின் சாரதி ஏ.ஜே.பீரிஸ் மற்றும் சிலாபத்துறை கடற்படையினர் ஆகியோர் இணைந்து குறித்த கஞ்சாப்பொதிகளை மீட்டுள்ளனர்.

(“காட்டுப்பகுதியில் கேரள கஞ்சாப்பொதிகள் மீட்பு” தொடர்ந்து வாசிக்க…)