Sooddram

போராட்டத்தின் ஆரம்ப நாட்களில் தமிழர் விடுதலைக் கூட்டணியினர் தங்கள் அரசியல் எதிரிகளை பழிவாங்குவதற்காக இளைஞர்களைப் பயன்படுத்தினர். கூட்டணித் தலைவர்கள் துரையப்பாவுக்கு இயற்கை மரணம் இல்லை என்றனர். அன்று இளைஞனாக இருந்த வே பிரபாகரன் தமிழர் விடுதலைக் கூட்டணிக்கு சவலாக நின்ற அல்பேர்ட் துரையப்பாவை படுகொலை செய்தார்.

(“பா உ சிறிதரன் வரலாற்றை கற்றுக்கொள்ளத் தவறினால்…” தொடர்ந்து வாசிக்க…)

இடம்பெற்ற இறுதிக் கட்ட யுத்தத்தின் போது, இலங்கையின் இராணுவத்தினால் மேற்கொள்ளப்பட்ட தாக்குதல்களினால் பொதுமக்கள் கொல்லப்பட்டதை ஏற்றுக் கொள்வதாக, ஓய்வுபெற்ற நீதியரசர் மக்ஸ்வெல் பரணகம தலைமையிலான ஜனாதிபதி விசாரணை ஆணைக்குழு ஏற்றுக் கொண்டுள்ளது.காணாமல் போனவர்கள் தொடர்பான விசாரணைகளுக்கான நியமிக்கப்பட்ட இந்தக் குழுவினது ஆணைப்பரப்பு, இலங்கையில் இடம்பெற்றதாகக் கூறப்படும் யுத்தக் குற்றங்கள் தொடர்பான விசாரிப்பதற்கு விரிவுபடுத்தப்பட்டது.

(“மக்கள் மீது இராணுவத்தின் தாக்குதல் நிரூபணம்” தொடர்ந்து வாசிக்க…)

வருடாந்த பொதுக் கூட்டம்

பாடும்மீன்களின் அங்கத்தவர்கள் நண்பர்கள் நலன்விரும்பிகள் அனுசரணையாளர்களுக்கு:

எமது வருடாந்த பொதுக்கூட்டம் எதிர்வரும் நவம்பர் மாதம் முதலாம் திகதி நடைபெறவுள்ளது. கடந்த பதின்னான்கு வருடங்களாக கனடாவில் வாழும் எமது பிரதேசமக்களின் ஒட்டுமொத்த பங்களிப்புடன் மிகச்சிறப்பாக நடைபெற்று வரும் ஒன்றுகூடல் ஊடாக தாயகத்தில் பல நற்காரியங்களை முடிந்தவரை செய்து வருகின்றோம் என்பது நீங்கள் அறிந்ததே.

(“பாடும்மீன்கள் – கனடா” தொடர்ந்து வாசிக்க…)

(சாகரன்,ரகு கதிரவேலு)

மனித உயிர் மகத்தானது. மனித உயிரை விட சுதந்திரம் மகத்தானது. என்றவர் தமிழினியின் தலைவர். ஆயிரக்கணக்கான மனித உயிர்களைக் குடித்து தமிழர்களுக்கு இருந்த சுதந்திரத்தையும் இல்லாமல் பண்ணிவிட்டார். மனிதர்களைக் கொன்று மகிழ்ந்தவர்கள் புலிகள். புலிகள் கொன்றபோது மகிழ்ந்தவர்கள் புலிகளின் ஆதரவாளர்கள். தமிழினி போன்று எத்தனை பெண்களைக் கொன்றிருப்பார்கள் புலிகள்? செல்வியும்,ராஜினியும், மகேஸ்வரியும், ரேலங்கியும் மற்றும் புலிகளால் கொல்லப்பட்ட தமிழ்பெண்களின் உயிருக்குப் பெறுமதி இல்லையா? பத்மநாபாவும் தோழர்களும் துரத்தி துரத்தி புலிகளால் கொல்லப்பட்டபோது விருந்துண்டு கொண்டாடியவர்கள் தமிழினி உயிருக்காய் அழுது வழிகிறார்கள்.

(“தமிழினிக்காய் அழுகிறார்கள்.” தொடர்ந்து வாசிக்க…)

கனடாவில் இடம்பெற்ற பொதுத் தேர்தலில் பலராலும் எதிர்பாக்கப்பட்ட மனிதவுரிமை ஆர்வலருமான ஹரி ஆனந்தசங்கரி ஸ்காபரோ ரூச்பார்க் தொகுதியில் அமோக வெற்றியீட்டினார். இவரை எதிர்த்துப் போட்டியிட்ட கண்சவேட்டிவ் கட்சியைச் சேர்ந்த லெஸ்லின் லெவிஸ் இரண்டாவது இடத்தையும், புதிய ஜனநாயகக் கட்சி வேட்பாளர் சாந்திக்குமார் காந்தரத்தினம் மூன்றாமிடத்தையும் பெற்றனர். ஹரி ஆனந்தசங்கதியின் இராஜாங்க மற்றும் பண்பான அணுகுமுறைகளை அறிந்திருந்த தமிழ்க் கனேடியர்கள் உள்ளிட்ட கனடியர்கள் அவருக்கு பெரிய அளவில் இத் தேர்தலில்வாக்களித்து பல ஆயிரக்கணக்கான வாக்கு வித்தியாசத்தில் அவரை வெல்ல வைத்தனர்.

(“கனடா நாட்டில் ராதிகா உட்பட ஐவர் தோல்வி….! ஹரி ஆனந்தசங்கரி வெற்றி…..” தொடர்ந்து வாசிக்க…)

(மாதவன் சஞ்சயன்)

1970 பதுகளில் அறக்கொட்டியான் எனும் பூச்சி பரவலாக நெல் பயிரை தாக்கியது. இந்த பூச்சித் தாக்கத்துக்கு உள்ளான பயிர்களை பார்த்தால் ஏதோ மாடுகள் தான் வயலுள் புகுந்து பயிரை மேய்ந்து விட்டனவோ என எண்ணத் தோன்றும். அந்தளவு தூரம் அதன் தாக்கம் இருக்கும். அந்த தாக்கத்தில் இருந்து தம் விளைந்த பயிர்களை காக்க சிறீமா காலத்தில் பரவலாக செயல்பட்ட, விவசாய விஸ்தரிப்பு நிலையங்களில் மானிய கடன் அடிப்படையில் பூச்சி கொல்லி மருந்தை வாங்கி பாவித்ததால் பயிர்கள் தப்பிப் பிழைத்தன.

(“மரண வியாபாரிகளின் அறக்கொட்டியான் அரசியல்.” தொடர்ந்து வாசிக்க…)

ஊடகவியலாளர் மயில்வாகனம் நிமலராஜன் படுகொலை செய்யப்பட்டு இன்றுடன் 15 ஆண்டுகள் நிறைவடைந்துள்ளன. 2000ஆம் ஆண்டு, ஒக்ரோபர் 19ஆம் நாள் இரவு 10 மணியளவில் யாழ்ப்பாண நகரின் உயர் பாதுகாப்பு வலயப் பகுதியாக அப்போது இருந்த, கச்சேரியடிப் பகுதியில் உள்ள வீட்டில் வைத்து அவர் படுகொலை செய்யப்பட்டார். அன்று மாலையில், நாகர்கோவிலில் சிறிலங்கா விமானப்படை உலங்குவானூர்தி விடுதலைப் புலிகளால் சுட்டுவீழ்த்தப்பட்ட செய்தியை பிபிசி தமிழோசைக்கு தொலைபேசி மூலம் வழங்கி விட்டு, வீரகேசரி நாளிதழுக்காக தொலைநகலில் அனுப்புவதற்காக அந்தச் செய்தியை எழுதிக் கொண்டிருந்த போதே, அவரது வீட்டுக்குள் நுழைந்த ஆயுததாரிகள் அவரைச் சுட்டுப்படுகொலை செய்தனர்.

(“நீதி மறுக்கப்பட்ட ஊடகவியலாளர் நிமலராஜனின் படுகொலை – இன்றுடன் 15 ஆண்டுகள் நிறைவு” தொடர்ந்து வாசிக்க…)

(ப. தெய்வீகன்)

விடுதலைப் புலிகள் அமைப்பின் முன்னாள் அரசியல்துறை பொறுப்பாளர் தமிழினியின் மரணச் செய்தி, தமிழர்களின் விடுதலைப் போராட்டத்துடன் பிணைந்திருக்கும் அனைத்து மக்களுக்கும் ஒரு துயரச்செய்தியாக வந்திறங்கியிருக்கிறது. விடுதலைப் புலிகள் அமைப்பின் ஆரம்பகால உறுப்பினராகவும் அரசியல்துறை பொறுப்பாளராகவும் தான் சார்ந்த அமைப்பின் முகங்களில் ஒன்றாகவும் வெளித்தெரிந்த காரணத்தினால் 2009ஆம் ஆண்டுக்குப் பின்னர் பெரும் கொடூரங்களை அனுபவித்த ஒரு போராளிகளில் ஒருவர் தமிழினி.

(“போய் வா போர் மகளே” தொடர்ந்து வாசிக்க…)

(சாகரன்)

தேர்தல் நாள் இன்று கனடாவில். தற்போதெல்லாம் வெல்லுவதற்கான கோஷங்களை வைத்தே தேர்தலில் தம்மை பிரச்சாரப்படுத்துகின்றனர் அரசியல்வாதிகள்;. கொள்கையின் அடிப்படையில் அல்ல கோஷங்களின் அடிப்படையில் தேர்தலை சந்திக்கின்றனர். இந்தக் கோஷங்கள் மக்கள் மத்தியில் செல்வாக்கு செலுத்தும் என்ற அடிப்படையில் மட்டும் செயற்படுகின்றனர் அரசியல்வாதிகள். பின்பு செல்வாக்கு செலுத்தும் இந்தக் கோஷங்களை தமது கொள்கைகள் என்று தேர்தல் விஞ்ஞாபனத்தில் வெளியிடுகின்றனர். இதில் மக்களுக்கான அங்கத்துவம் என்பதைவிட தமது சுகமான வாழ்விற்கான பாராளுமன்ற அங்கத்துவம் என்பதே முதன்மை பெறுகின்றது. இது இலங்கை இந்தியா போன்ற ஆசிய நாடுகளுக்கும் பொருந்துகின்றது. வெற்றிக்கான கோஷங்களை பரந்துபட்ட மக்கள் மத்தியில் விளம்பரப்படுத்த பெரு நிதி தேவைப்படுகின்றது. இது அடிப்படையில் நிதியுள்ளவர்களால் மட்டுமே தேர்தலில் நின்று வெற்றிபெறும் நிலமைகள் எற்படுத்தியிருக்கின்றது. சாதாரண சாமான்ய மக்களின் பிரச்சனைகளை அனுபவரீதியாக உணர்ந்தறியும் நிலையில் இந்த வசதிபடைத்த அரசியல்வாதிகள் இல்லாதபோது இவர்கள் சாதாரண மக்களின் பிரச்சனைகளை தீர்க்கும் பிரதிநிதிகளாக இருக்க முடியாது. எனவேதான் எம்மைப் போன்ற மக்களுக்கு இந்தத் தேர்தலில் யார் வெற்றி… தோல்வி….. ஐ சந்தித்தாலும் நேரடித் தாக்கங்கள் தற்போதெல்லாம் ஏற்படுவதில்லை. இதனால் தற்போது இருக்கும் முதலாளித்துவ பாராளுமன்ற ‘ஜனநாயக’ முறையில் நாம் எமது வாக்குகளை உபயோகிக்க வேண்டும் என்ற வாதங்கள் அடிபட்டே போகின்றது. எனவே மக்களை உண்மையாக பிரதிநிதித்துவப்படுத்தும் புதிய முறமை ஒன்று கண்டேயாகவேண்டும். இதற்கான பொறிமுறையை நாம் கண்டுபிடிக்க தவறினால் மக்களைப் பிரதிநிதித்துவப்படுத்தல் என்ற அடிப்படையில் தமது வாழ்வை மட்டும் உறுதிப்படுத்தும் அரசியல்வாதிக் கூட்டங்கள் பிழைத்துக்கொண்டு போக மறுபுறத்தில் தேர்தல் முறையில் நம்பிக்கையிழந்து தேர்தலில் பங்குபற்றாதவர்களின் தொகை அதிகரித்துக்கொண்டேபோகும்.