காரைதீவின் மறக்கமுடியாத மனிதர்

வைத்தியகலாநிதி.மா.பரசுராமன் அவர்கள்.

மட்டக்களப்பு காரைதீவுமண்ணில் பரம்பரை பரம்பரையாக வாழ்ந்த மாணிக்கப்பிள்ளை தங்கமுத்து தம்பதியருக்கு மகனாக 1929 ஏப்ரல் முதலாந்திகதி பரசுராமன் அவர்கள் பிறந்தார். இவருக்கு அமரர் வைரமுத்து (முன்னாள்புகையிரதநிலைய பொறுப்பதிகாரி) அவர்கள் மூத்தசகோதரர் பிரித்தானி யாவில் வாழும் தெய்வானைப்பிள்ளை (முன்னாள் புனித மைக்கல்கல்லூரி ஆசிரியை) இளையசகோதரி இவர்கள் இருவரும் உடன்பிறந்தவர்களாகும். முன்னாள் காரைதீவின் சேர்மனும் ஓவசியருமான பொன்னையா தம்பதியரின் மகளான லெட்சுமியை மணம்முடித்த பரசுராமன்லெட்சுமி தம்பதியருக்கு சிவசக்கி (கனடா), ஜெயரமணி (டென்மார்க்) மற்றும் அமரர் செந்தில்வாசன் என்னும் மூன்றுபிள்ளைகள்.

பரசுராமன் அவர்கள் கல்விபயின்று வைத்தியகலாநிதியாகப்பட்டம் பெற்றவர். ஒருஅரசமருத்துவராக இணைந்து கடமைசெய்ய விரும்பாது தான்பிறந்து வளர்ந்த ஊரிலேயே தனியான வைத்தியசாலையினை அமைத்து காரைதீவிற்கும் அதனைச்சூழவுள்ள ஊர்களில் வாழ்ந்த மக்களுக்காகவும் தனது வைத்திய சேவையினை செய்தவர். மூஸ்லீம்மக்கள் மத்தியில் கறுத்தடாகுத்தர் என அன்பாக அழைக்கப்பட்ட பரசுராமன் அவர்கள் தனது வெள்ளைமனமுள்ள அன்பான சுபாவத்தால் பலரின் மனதில் நிறைந்தவர். மகப்பேற்று மருத்துவத்திற்கான வைத்தியசேவையில் மிகச்சிறந்த கைராசிக்காரடாகுத்தர் எனப்பெயர்பெற்ற இவரை கல்முனை, காரைதீவு. சம்மாந்துறை, சாய்ந்தமருது, நிந்தவூர் மற்றும் அதனைச்சார்ந்த பிரதேசங்களிலிருந்து மக்கள் அவரது வைத்தியசேவையை நாடினர். தனது வீட்டில் வைத்தியசேவையைச் செய்து வந்த டாக்கடர். பரசுராமன் அவர்கள் பின் இப்பிரதேசத்தில் ஏற்பட்ட சிலஅசம்பாவிதங்களால் தற்போது இராணுவமுகாமுள்ள தனது கட்டிடத்தில் ‘வாசன் கிளினிக்’ நடத்தி வந்து அதன் பின்னர் நாட்டில் ஏற்பட்ட அசாதாரண நிலையினால் மீண்டும் தனது வீடமைந்துள்ள வளவினுள் தனியான கட்டிடத்தில் ‘வாசன் கிளினிக்’கை இடம்மாற்றி இறக்கும்வரை தனது மருத்துவசேவையயை 50 வருடங்கள் செய்தவர்.

கண்ணகி அம்மன் ஆலயதர்மகர்த்தாவாகவும் பணியாற்றிய டாக்டர்.பரசுராமன் அவர்கள் சகவண்ணக்கர்களை அரவணைத்து அவர்களின் கருத்துக்களையும் மதித்து சகலருக்கும் கண்ணகித்தாயின் அருள்கிடைக்க அக்கோயிலை அழகுற புனருத்தாரணம் செய்வித்தவர். ஊரின் எல்லையில் எதிர்காலத்தில் காரைதீவிற்கு ஏற்படக்கூடிய தீமைகளை முன்கூட்டியே அறிந்து தான் ஆலையவண்ணக்கராக இருந்தகாலத்தில் ஊரின் எல்லைப்பகுதி நிலங்களை கோயிலின்சொத்தாக வாங்கி ஊரை ஒருபாதுகாப்பு வளையத்துள் கொண்டுவந்த பெருமகன். எந்தவித குளறுபடிகளுமில்லாமல் தனது நேர்மையான>சாதுரியமாக பிரச்சனைகளை கையாளும் திறமையாலும் சிறந்தஅறிவாற்றலாலும் காரைதீவுஊரையும் 25வருடங்கள் கண்ணகிஅம்மன் ஆலையத்தையும் தர்மகர்த்தாவாக இருந்து நிருவகித்தவர்.

15வருடங்கள் கிராமாட்சி மன்றத்தலைவராக காரைதீவில் பல அபிவிருத்தித் திட்டங்களைச் செய்து கிராமத்தை மெருகூட்டியவர். கிராமசபையில் சேர்மனாக பதவிவகித்த காலத்தில் காரைதீவிற்கான கூட்டுறவுச்சங்கத்தை ஸ்தாபித்து அதற்கான கட்டிடத்தையும் நிறுவி அதன் தலைவராகவும் பணியாற்றியவர். மற்றும், இருளாக இருந்த கிராமத்திற்கு மின்சாரஇணைப்பினை ஏற்படுத்தி ஊரினை வெளிச்சத்திற்கு கொண்டுவந்து மெருகூட்டியவர். மேலும், வீதிஅபிவிருத்தி, பாடசாலைகளின் முன்னேற்றம் மற்றும் அரசகட்டிடங்கள் காரியாலயங்களை அதற்கென தனியாக அமைத்து ஊர்மக்களின் தேவைகளை காரைதீவின் கண்ணாக இருந்து இலகுபடுத்டுதியவர். தான் கிராமசபைத்தலைராக கடமையாற்றாத காலத்தில் தனது உறவினரும் காரைதீவின் மற்ரொரு கண்ணென போற்றப்பட்ட மதிப்பிற்குரிய சேர்மன் திரு.இ.விநாயகமூர்த்தி அவர்களும் காரைதீவின் நலன்கொண்டு உழைத்தவர். இவர்கள் இருவரும் காரைதீவின் இரண்டுகண்களாக இருந்து ஊரைச்சிறப்புறச்செய்த இருமாமனிதர்களாவர்.

தான் வாழ்ந்தகாலத்தில் உலகத்தமிழப்பேராசானும் முத்தமிழ்வித்தகரும் அதிசிறந்த கல்விமானுமான விபுலாநந்தருக்கு நினைவுப்பணிமன்றம் அமைத்து முழுதிருவுருவச்சிலைநிறுவி சுவாமிகளின் ஞாபகார்த்த நினைவுநாளினை மிகச்சிறப்பாக நடத்தியவர். இவ்விழா சிறப்பாக அமைவதற்காக விபுலாநந்த அடிகளாரின் மாணவரும் அவர்பால் அன்பும்>மரியாதையும் கொண்ட தவத்திரு குன்றக்குடிஅடிகளாரை காரைதீவு மண்ணிற்கு அழைத்து கௌரவம்செய்தவர். சுவாமிகளின் விழாசிறப்புற அமைவதற்காக பணிமன்றத்தின் தலைவராக டாக்டர் மா.பரசுராமன் அவர்கள் இருந்து தனது தலைமைத்துவ வழிநடத்தலில் உறுப்பினர்களான காரைதீவின் சிறந்தசமூகப்பற்றாளனும் அறிஞருமான அமரர் எம்.சற்குணம்,திரு.க.ஆறுமுகம்(முன்னாள்தலைமைஆசிரியர்), திரு.சே.பொன்னம்பலம் (முன்னாள் தலைமைஆசிரியர்), திரு.இரா.கிருஷ;ணப்பிள்ளை. திரு. சி.அருள்சிவம் (முன்னாள் உ.அ.அதிபர்) திரு.இ.வேல்நாயகம் (முன்னாள் தர்மகாத்தா கண்ணகி அம்மன்ஆலையம்),திரு.பூ.சுந்தரம்பிள்ளை(முன்னாள்ஆசிரியர்),கலாநிதி.இ.பாலசுந்தரம் (கனடா)ஆகியோரின் கூட்டுமுயற்சியாலும் அளப்பரிய தன்னலம் கருதாத சேவையினாலும் முதன் முதலாக சுவாமிகளின் பெருமை சொன்ன மிகச்சிறந்த பொக்கிசமான ‘அடிகளார் படிவமலர்’ வெளியீட்டுடன் சுவாமிகளின் 22வதுவருட நினைவுவிழா 1969ம் ஆண்டு மிகவிமர்சையாக ஒன்றாக இணைந்து நடத்தினர். மேலும் தனதுகனவான சுவாமிகளின் நினைவுப் பணிமண்டபத்தினை அமைப்பதற்காக பலநன்கொடையாளிகளிடமும் அரசிடமும் நிதியுதவிபெற்று பலகோடிரூபாய்செலவில் விபுலாநந்தர் பிறந்த வளவினுள் அந்தபெருமண்டபத்தினை அமைத்தபெருமை டாக்டர்.மா.பரசுராமன் அவர்களையே சாரும். சுனாமியின்போது இந்தமணிமண்டபம் தன்னகத்தே பலரை உள்வாங்கி அரவணைத்துக்கொண்டது. அதுமட்டுமன்றி இன்றும் அந்தக்கட்டிடம் பல தேவைகளுக்காக ஊர்மக்களால் பயன்படுத்தப்படுவதை நாம் காணலாம்.

கொழும்பு-வெள்ளவத்தை மற்றும் மட்டக்களப்பு-கல்லடியிலுள்ள இராமகிருஷ;ண மிசனுக்கு தன்னாலான உதவிகளை வழங்கிய டாக்டர் அவர்கள் அதற்கு பொறப்பாக இருந்த தனது ஊரவரான நடராஜானாந்தஜீ, பின்னர் சுவாமி ஜீவாநந்தஜீ ஆகியோருடன் மிக நெருங்கிய உறவைப்பேணிவந்தவர். காரைதீவில் சைவசமயத்தின் அறநெறிகளையும் நமது மதத்தின் மாண்பையும் இளைஞர்கள் அறிந்து அதன்பால் மனவிருப்புடன் செயலாற்றுவதற்காக முதன்முதலாக இந்துசமய அபிவிருத்திச்சங்கம் நிறுவி இளைஞர்களை சைவநெறியில் வாழவழிகாட்டியவர். இன்று அவரால் உருவாக்கப்பட்ட இந்துசமய அபிவிருத்திச்சங்கமானது தொடர்ச்சியான தங்களின் சிறந்தபணிகளுடன் காரைதீவுச்சந்தியில் சுவாமி விபுலாநந்தருக்கு பிரமாண்டமான சிலைநிறுவி சாதனை படைத்துள்ளனர்.

‘உள்ளக்கமலமடி உத்தமனார் வேண்டுவது’ என்னும் சுவாமிகளின் பாடலுக்கு பொருத்தமாக கறுப்புடாக்டர் எனஅன்புடன் அழைக்கப்பட்ட வைத்தியகலாநிதி மா.பரசுராமன் அவர்கள் கறைபடியாத பெருமகன். வெள்ளைச்சேட்டும் வெள்ளை வேட்டியுடன் காரைதீவுமண்ணில் வாழ்ந்து அம்மக்களுக்காக தன்னை அர்ப்பணித்த வெள்ளையுள்ளம் கொண்ட மறக்கமுடியாத மனிதன்.